هەشت کەس لە خۆپیشاندەرانی دهۆک هێشتا لە زینداندان

هەشت کەس لە خۆپیشاندەرانی دهۆک هێشتا لە زینداندان و سەربەست نەکراون.


ڕۆژی ١٦ی ئەم مانگە لە شاری دهۆک سەدان کەس لە چالاکوان، مامۆستا و فەرمانبەر خۆپیشاندانێکی بەرفراوانیان دژ بە دابەشنەکردنی مووچە ئەنجامدا، هێزەکانی ئاسایشیش هەڵیانکوتایە سەر خۆپیشاندەران و نزیکەی ١٠٠ کەسیان دەستگیرکرد.

بەشێک لە دەستگیرکراوان بەبێ دانانی کەفالەت سەربەست کران و ١٥یان لە زینداندا مانەوە، ڕۆژی ١٩ی ئایار بە کەفالەتی دوو ملیۆن دینار بۆ هەر یەکەیان بڕیاری سەربەستکردن بۆ ١٢ کەسیان دەرکرا، بەڵام تەنیا حەوت کەسیان سەربەست کران و ئەوانی دیکە دۆسیەیی تریان بۆ کرایەوە و بە تۆمەتی "هاندانی خەڵک بۆ خۆپیشاندان"، لە زینداندا هێڵدرانەوە.

مێڤان سەعید، یەکێک لە ئەندامی گروپی دەنگی مامۆستایان بە ڕۆژنیوزی وت: ئەوانەی ماون لەزیندان وا بڕیارە ئەمڕۆ ببرێنە بەردەم داگا و دووبارە وتەیان لێوەربگیرێتەوە.

 ناوی دەستگیرکراوەکان

١- بەدەل بەرواری/ مامۆستا

٢- شڤان بەروشکی/ مەلا

٤- ئومێد بەروشکی/ روژنامەنووس

۵-  غازی نێروەی/ پێشمەرگە

٦- دڵگەش مزیری/ مامۆستا

۷- هەوار بەهجەت/ ماموستا و کوڕە شەهیدە

٨- جابر حسێن/مامۆستا

 

ش.ف