شەممە, 4 أبر 2020 – 21:47 ڕۆژنیوز – هەورامان
ئێوارەی ئەمڕۆ لەشاخی شرامی سەر بەشارەدێی بیارەی سنووری پارێزگای هەڵەبجە، مینێک تەقییەوە، بەهۆیەوە كەسێك گیانی لەدەستداو یەكێكی دیكەش برینداربوو.
ڕائید بەرزان عوسمان وتەبێژی بەڕێوەبەرایەتی پۆلیسی پارێزگای هەڵەبجە ڕایگەیاند: ئێوارەی ئەمڕۆ لەشاخی شرامی شارەدێی بیارە، بەهۆی دەستكاریكردنی تەقەمەنی كەسێك گیانی لەدەستدا بەناو ( س،ع، م) پیشەی كارمەندی MAG دانیشتوی پارێزگای هەڵەبجەیە، پاش ئەنجامدانی ڕێكارەن تەرمەكەی ڕەوانەی پزیشكی دادی هەڵەبجە كرا بۆ پشكنین.
وتیشی: هەر لەڕووداوەكەدا كەسێكی دیكەش بەناوی (ه ،س، ع) تەمەن ٢٣ ساڵ دانیشتوی پارێزگای هەڵەبجە برینداربوو، لەبەر سەختی برینەكەی ڕەوانەی نەخۆشخانەی فریاكەوتنی سلێمانی كرا بۆ وەرگرتنی چارەسەر، پەڕاوی لێكۆڵینەوەش لەلایەن بنكەی پۆلیسی بیارەوە بۆ ڕووداوەكە ڕێكخراوە.
د.ع
