ناوەندی ڕاگەیاندنی هێزەکانی پاراستنی گەل- هەپەگە، لە ڕاگیەندراوێکدا، ناسنامەی یەکەم شەهیدی یەکینەکانی پاراستنی ئاسمانیی ئاشکراکرد.
لە ڕاگەیەندراوەکەدا هاتووە: ڕۆژی ١٢ی مانگی ڕابردوو لە هەفتانین لە چالاکییەکدا کە بە ئامێرە ئاسمانییەکانی هەپەگە دژی سوپای داگیرکەری تورک ئەنجامدرا، هەڤاڵمان “دۆغا زیلان” شەهید بوو، هەڤاڵمان دۆغا، یەکەم شەهیدی یەکینەکانی ئاسمانی شەهید دەلال ئامەدە، کە ناسنامەکەی بەم شێوەیەیە:
ناو و پاشناو: هەدیە چەرچی
ناوی کۆد: دۆغا زیلان
ناوی دایک و باوک: پەریهان- ئەشرەف
شوێنی لەدایکبوون: مووش
کات و شوێنی شەهیدبوون: ١٢ی ٧ی ٢٠٢٠- هەفتانین
لە بەردەوامیدا هاتووە: هەڤاڵمان دۆغا کە لە جەوهەری مێژووی قارەمانی و بەرخۆدان لە خاکی سەرهەڵدێری سەرحەد، ساڵی ١٩٩٤ لە ناوچەی کۆپ’ی مووش، لەدایکبووە، لەناو خانەوادەیەکی وڵاتپارێز گەورە بوو، هۆش و مێشکی پڕکرد لە تۆڕەیی گەلیی زیلان و ئاگری و خاوەنداریی لە میراتی گەل کرد، لە ئەنجامی سیاسەتە چەپەڵەکانی دەوڵەتی فاشیستی تورک لەگەڵ خانەوادەکەی کۆچبەری گەورەشارەکان بوو، لە خوێندنگای سیستم نەیخوێند و بە ڕەنجدەری و دڵسۆزی بۆ خاکەکەی گەورە بوو، دژی سیاسەتەکانی دەوڵەتی تورک ڕووی لە چیا ئازادەکان کرد، ساڵی ٢٠١٥ لە کاتی بەرخۆدانی کۆبانێ بەدەم بانگەوازییەکەی ڕێبەر ئاپۆـە چوو و دڵسۆزیی بۆ ڕێبەرایەتی و شەهیدان نیشاندا.
لە بەشێکی دیکە هاتووە: هەڤاڵ دۆغا، ئەو ڕەنجەی ڕێکخستن دایبوو، بۆ ئەوەی لەدژی دوژمن پێکی بێنێت هەمیشە خاوەن بڕیار بوو، لە کۆتاییشدا لەدژی داگیرکاریی دوژمن لەسەر خاکی کوردستان، بێوەڵام نەما و تاکتیک و ستراتیژی قۆناغەکەی لە کەسایەتییدا پەیڕەو کرد، لەسەر ئەم بنەمایەدا، ڕۆژی ١٢ی مانگی ٧ی ئەمساڵ لە گردی شەهید بێریڤان لە هەفتانین بە ئامێرێکی ئاسمانی بۆمبی چالاکییەکی سەرکەوتووی ئەنجامدا و لە کاتی چالاکییەکەدا شەهید بوو.
لە کۆتاییش هاتووە: سەرەخۆشیی خۆمان ئاراستەی خانەوادەکەی و هەموو گەلی وڵاتپارێزی کوردستان دەکەین و وەک شوێنکەوتووانی هەڤاڵ دۆغان بە بڕیارداری و ئیرادەوە، بە گیانی تۆڵە و سەرکەوتنەوە، تێکۆشان گەورە دەکەین و وەک هەزاران دۆغا و زیلان کە دڵی دوژمنیان خۆیان تەقاندەوە، ئێمە هەر دەبین.
ک.س
