هێزەكانی پاراستنی گەل-هەپەگە ڕایگەیاند، سوپای داگیركەری تورك، ١٤ جار بە چەكی كیمیایی و بۆمبی قەدەغەكراو، سەنگەرەكانی بەرخۆدانی گەریلای لە ناوچەكانی چەمچۆ و سیدا بۆردومان كرد.
ئەمڕۆ ناوەندی ڕاگەیاندن و چاپەمەنی هەپەگە لە ڕاگەیەندراوێكدا بڵاویكردەوە، دوێنێ سوپای داگیركەری تورك ١٢ جار بە چەكی كیمیایی و دوو جار بە بۆمبی قەدەغەكراو و بەدەیان جار بە كاتیوشا، تانك و چەكی قورس سەنگەرەكانی بەرخۆدانی گەریلای بۆردومان كردووە.
هەپەگە لە ڕاگەیەندراوەكەدا ئەم زانیارییانەی خستووەتەڕوو:
رۆژی ٢٣ی كانوونی دووەم، لە شارەدێی شێلادزێ سەر بە ناوچەی ئامێدی، سەرنگەرەكانی بەرخۆدانی گەریلا لە نزیك گوندی سیدا و ناوچەی چەمچۆ دوو جار بە بۆمبی قەدەغەكراو و ١٢ جاریش بە چەكی كیمیایی، بۆردومان كران.
هێرشەكانی سوپای داگیركەری تورك؛
ڕۆژی ٢٣ی كانوونی دووەم، لە ناوچەی بەرخۆدانی گردی جودی و گردی ئێف ئێم لە نزیك ناوچەی چەمچۆ لە شارەدێی شێلادزێ سەر بە ئامێدی، سەنگەرەكانی بەرخۆدانی گەریلا، دەیان جار بە كاتیوشا، تانك و چەكی قورس بۆردومان كران.
ڕ.ڕ
