هەڵەبجە، دژی دەستگیرکردنی بەدەل بەرواری و جوڵانی هێز لە وەرتێ گردبووەنەوە بەڕێوەچوو

هەینی, 29 ماي 2020 – 19:15  ڕۆژنیوز – هەڵەبجە

ئێوارەی ئەمڕۆ لە شاری هەڵەبجە، گردبوونەوەیەک دژی دەستگیرکردنی بەدەل بەرواریی مامۆستا و چالاکوان لەلایەن هێزە ئەمنییەکانەوە بەڕێوەچوو.

لە گردبوونەوەكەدا دروشمی نا بۆزەوتكردنی قوتی خەڵك – بەڵێ بۆ بەگژداچوونەوەی ستەمكاری بەرزکرایەوە.

مامۆستا محەمەد حەمەڕەزا بەیاننامەی مامۆستایانی ناڕازی خوێندەوە، وێڕای داوای ئازادکردنی بەدەل بەرواریی، تێیدا هاتبوو:”بەرەنجامی خەباتی قوربانیدانی دەیان ساڵەی بەرهەمی ئەنفال و كیمیاباران و جینۆسایدی گەلەمەمان لەسایەی ئەم دەسەڵاتە ستەماكار و گەندەڵەدا لە ٢٩ ساڵی ڕابڕدوودا جگە لە دزی و تاڵانی و هەڵتەكاندنی ژێرخانی ئابوری و شەڕی نەگریسی براكوژی و پەلكێشكردنی لەشكرو دەزگا سیخوڕییەكانی دایرگیرکەرانی كوردستان بۆ لەتوپەتكردنی خەڵك و خاكی كوردستان هیچی دیکە نەبووە”.

هەروەها ڕەخنەی توند لە دەسەڵات گیرابوو، بەوەی کە پێشمەرگە چوار ساڵ دژی چەتەکانی داعش قوربانیی دا و ئەو چەکانەشی وڵاتان ناردبوویان دیار نییە چی بەسەر هاتووە و ئێستاش ئەو ناوچانەی لە ١٦ ئۆکتۆبەردا “ڕادەست کران ژیانیان لە مەترسیدایە، لە جیاتی بەهانەوە چوونی خەڵكی ئەو ناوچانە ئێوە هێز ڕاپێچی بناری قەندیل و باڵەكایەتی و زینی وەرتێ‌ دەكەن و بەنیازن گەڕێكی دیكەی شەڕی براكوژی بەرپا بکەن”.

س.ح