چوؤرشەممە, 6 يون 2018 – 14:10 ڕۆژنیوز – ڕۆزە محەمەد
٣٠-٩-٢٠١٨ هەڵبژاردنی پەرلەمانی هەرێمی کورستان ئەنجام دەدرێت، لە سبەینێشەوە خۆتۆمارکردنی قەوارەسیاسییەکان کۆتایی دێت.
تۆماركردنی قەوارە سیاسییەكان لە بەرواری ٢٧-٥-٢٠١٨ تاوەکو ٧-٦-٢٠١٨ بەردەوامیی دەبێت، هەروەها تۆماركردنی هاوپەمیانیەتییەكان لە بەرواری ١٨-٦-٢٠١٨ تاوەکو ٢٠-٦-٢٠١٨بەڕێوەدەچێت و مانگی داهاتووش کاندیدەکان خۆیان تۆمار بکەن.
شۆڕش حەسەن، بەڕێوەبەری گشتی فەرمانگەی پەیوەندی و ڕاگەیاندن لە کۆمسیۆنی باڵای سەربەخۆ و ڕاپرسی هەڵبژاردنەکانی هەرێمی کوردستان، بە ڕۆژنیوزی وت: تاوەکو ئێستا ٢٠ قەوارەی سیاسی خۆیان تۆمار کردووە و سبەینێش کۆتا وادەیە و ماوەکەشی درێژ ناکرێتەوە.
س.ح
