دووشەممە, 11 ماي 2020 – 21:29 ڕۆژنیوز – ناوەندی هەواڵەکان
وەزارەتی تەندروستی حکومەتی هەرێمی کوردستان ڕاگەیەندراوێکی لەبارەی دواین ئاماری ڤایرۆسی کۆرۆنا لە هەرێمی کوردستان بڵاوکردەوە.
لە ڕاگەیەندراوەکەی وەزارەتی تەندروستی حکومەتی هەرێمی کوردستاندا هاتووە: لەماوەی ٢٤ کاتژمێری ڕابردوودا، (٩٧٦) پشکنین ئەنجام دراوە لەسەر ئاستی هەرێمی کوردستان؛ (٤٢٣) هەولێر، (٢٥١) سلێمانی، (٢٥٢) دهۆك، (٥٠) هەڵەبجە دەرەنجام هیچ توشبووی نۆێ لە هەرێمی کوردستان تۆمارنەکراوە.
هەر لە ڕاگەیەندراوەکەدا ئاماری گشتی توشبووانی کۆرۆنا لە هەرێمی کوردستان خراوەتەڕوو هاتووە: کۆی گشتی توشبووان بە ڤایرۆسی کۆڕۆنای نوێ COVID-19 لە هەرێمی کوردستان (٣٩١) توشبووە، لەنێویاندا (٥) مردن هەیە و (٣٧٢) نەخۆش چاکبووەتەوە، ئێستا تەنها (١٤) نەخۆش لەژێر چاودێریی پزیشکی دان.
د.ع
