پێنجشەممە, 9 أبر 2020 – 17:13 ڕۆژنیوز – بالیسان
ئەمڕۆ پاشماوەکانی دووئیدارەیی نێوان یەکێتی و پارتیی، لە سنووری شەقڵاوە ئاڵۆزی لێکەوتەوە و لە ئێستادا ڕێگاکە بەتەواویی داخراوە.
هێمن عەبدوڵا بەرێوەبەری شارەدێی بالیسان، دەربارەی ڕێگرییەکە بە ڕۆژنیوزی وت، بە مەبەستی دابینکردنی پێداویستی بۆ سنووری شارەدێی بالیسان لە گەڵ دوو فەرمانبەری دیکە ویستوویان بەچةە شەقڵاوە، “لە بازگەی زینەتیر کە لە ژێر دەسەڵاتی پارتی دیموکراتی کوردستاندایە، لێیە ڕێگریمان لێکرا بە بیانوی بڵاوبوونەوەی ڤایرۆسی کۆرۆنا، دیارە شارەدێی بالیسان سەر بە شارۆچکەی شەقڵاوەیە و پێویستە بۆ پێداویستی و داخوازی سنوورەکە سەردانی شەقڵاوە بکەین، بەڵام بەداخەوە ڕێگریمان لێکراو ئەو ڕێگرییەش هیچ بنەمایەکی نییە و تەنیا بیانوو بووە”.
بەڕێوەبەری شارەدێکە دەشڵێت: لە بەرامبەردا ئێمە وەک کاردانەوە بەرامبەر بەو ڕێگرییەی ئەوان، وەک شارەدێی بالیسان بڕیارماندا رێگای زینەتیر و خەلیفان بە تەواوی دابخەین”.
شارەدێی بالیسان لە ڕووی ئیدارییەوە سەر بە شارۆچکەی شەقڵاوەی سنووری پارێزگای هەولێرە، بەڵام وەک دەسەڵات لە ژێر دەستی یەکێتی نیشتمانی کوردستاندایە.
س.ح
