پارتی ڕێگەی نەدا مەخموریەکان بەشداریی مەراسیمی دیارغەریب ببن

هاوڵاتیانی کامپی پەنابەرانی مەخمور، کە ویستیان بەشداریی لە مەراسیمی بەبیرهێنانەوەی دیار غەریب و هەڤاڵانی لە قەندیل ببن، بەڵام ئاسایشی پارتی ڕێگەی نەدا بەشداریی ئەو مەراسیمە ببن.


بڕیار وایە ئەمڕۆ لەبناری قەندیل بۆ بەبیرهێناەوەی دیار غەریب، ئەندامی کۆنسەی سەرۆکایەتی کەجەکە و دوو هەڤاڵی، بە بەشداریی هاوڵاتیانی باشوری کوردستان لە قەندیل مەراسیمێک بەڕیوەبچێت، پەنابەرانی کامپی شەهید ڕۆستەم جودی لە مەخمور، ویستیان بەشداریی لەو مەراسیمەدا بکەن، بەڵام لەلایەن ئاسایشی پارتییەوە لە ناوچەی مەخمور ڕێگرییان لێکرا.

بەپێی زانیارییەکانی ڕۆژنیوز، سەرەڕای پێداگریی هاوڵاتیانی کامپەکە، ئاسایشی پارتی بە شێوەیەکی نایاسایی خەڵکەکەی ڕاگرتووە و ڕێگەی نەداوە لەو بازگەیە تێپەڕن، بۆیە خەڵکەکەش ناچار بوون بگەڕێبنەوە بۆناو کامپەکە.

د.ع