پێشمەرگە دێرینەکانی دەڤەری ڕاپەڕین هۆکاری سەرەکی هێرش وداگیرکاری دەوڵەتانی داگیرکەر بۆ نەبوونی یەکڕیزی کورد دەگەڕیننەوە و دەڵێن: ئەوەی داگیرکەرانی کوردستانی دەستکراوە کردوە یەک نەبوونی کوردە، بۆیە پێویستە ئیتر کورد واز لە نۆکەرایەتی وڵاتان بهێنێت.
لە چەند ڕۆژی ڕابردوودا دەوڵەتی داگیرکەری تورک ناوچەکانی ئاسۆس و قەندیلی لە باشوور و کۆبانێ، گرێسپی، تلتەمر، زرگان و چەند ناوچەیەکی لە ڕۆژئاوای کوردستان بۆردوومان کرد، هاوکات ئێرانیش بارەگاکانی کۆمەڵە و دیموکراتی لە زڕگوێز و کۆیە و کامپێکی ئاوارەکانی ڕۆژهەڵات لە بەحرکە بۆردوومان کرد.
مام شوان، پێشمەرگەیەکی دێرینە سەبارەت بە هێرشەکان وتی: هۆکاری سەرەکی هێرش و داگیرکاریەکانی دەوڵەتی تورک و ئێران نەبوونی یەکڕیزی کوردە بەتایبەتی لەم قۆناغەی ئێستادا، دوژمنان و داگیرکەران لەو بۆشایەی کە هەیە هەند وەردەگرن، لایەنەکان لە ژێر ناوی دروشمی نەتەوەی خزمەت بە داگیرکەرانی کوردستان دەکەن و پیلان لە سەر ڕۆژئاوای کوردستان و شەنگال دەکەن.
ئەو پێشمەرگە دێرینە بۆ رۆژنیوز وتیشی: من وەکو پێشمەرگەیەکی دێرین داوا لە کۆمەڵەی پێشمەرگە دێریەنەکان دەکەم هەڵوێستی جدی وەرگرن، پێشمەرگەی دێرین لە کاتێکدا تێکۆشان و بەرخۆدانمان دەکرد لە پێناو ئامانجێکدا بوو ئێستا ئەو ئەو ئامانجە نەک هەر نەهاتۆتە دی بەڵکو لە بەرامبەردا میلەت کۆمەڵ کوژ دەکرێت ڕۆژانە هێرش بۆ سەر باشوور و ڕۆئاوای کوردستان دەکرێت ، بۆیە دوا لە هەر پێشمەرگەیەکی دێرین و هەر مرۆڤێکی ئازادی خواز دەکەم هەڵوێستی جدی وەرگرن لە بەرامبەر ئەم داگیرکاریەدا.
هاوکات حازم کوتک، پێشمەرگەیەکی تری دێرینە و سەبارەت بەو بابەتە ئاماژە بەوە دەکات، شتێک بەناوی مافی مرۆڤ و یاسای نێودەوڵەتی نیە، هەر کەسێک بەهێزبێت دەتوانێت بێهێزەکە داگیربکات و بۆردومانی بکات، ئەگەر نا لەکوێی دنیادا ئەمە جێگای دەبێتەوە کە لەلایەن ڕۆژئاوای کوردستانەوە تا ئێستا بەردێک نە هاوێژراوەتە تورکیاوە، بەڵام ئەو بەو جۆرە داگیرکاری دەکات، هەربۆیە نابێت ئێمە پشت بە هیچ وڵاتێکی زل هێز و ڕیکخراوەکانی مافی مرۆڤ ببەستین چونکە بەرژەوەند خوازن، دەبێت ئێمە بەتەواوی پشت بە گەلی خۆمان ببەستین بەتایبەتی ژنان.
ئاماژەی وەشکرد کە: ئەوەی داگیرەرانی دەست کراوە کردوە یەک نەبوونی گەلی کوردە، دەبێت یەکگرتووبین، بۆ ئەوەی باری سەرشانی نەوەکانی داهاتومان قورستر نەکەین بە یەک نەگرتنمان و نەفرەتمان لێنەکەن.
لە کۆتای قسەکانیدا حازم بۆ رۆژنیوز ئەوەشی وت: ئێمە لە مێژە هاواری ئەوە دەکەین کۆنگەری نەتەوەی ببێتە مەرجەعێک بۆ کوردان کە هیج هێزێک نەتوانێت بە بێ ڕەزامەنی کۆنگرەی نەتەوەی هیج بڕیارێک بدات، هیوادارم ئەوەی بوەتە کرمی داری گەلەکەمان واز لە نۆکەرایەتی بێنێن، داگیرکەران هیجکات نایان ببینن و تەنیا وەکو ماشەی دەستی خۆیان بەکاریان دەهێنن، دەیان کەن بە چاو ساغ و کەوا سوری بەر لەشکری خۆیان تا مەرامەکانی خۆیانی پپێجێبەجی دەکەن ئەوان هیجکات کوردی زیندویان قبوڵنیە.
هـ. ح
