پەرلەمانتاری هەدەپە؛ گەمارۆی سەر مەخمور لەگەڵ یەکێتی نەتەوەیی ناگونجێت

تەیب تەمەل، پەرلەمانتاری هەدەپەی شاری وان، لەسەر ئەو گەمارۆیەی نۆ مانگە لەسەرکامپی پەنابەرانی شەهید ڕۆستەم جودی لە مەخمور بەردەوامە، لەگەڵ ئازانسی مەزۆپتامیا قسەیکردووە.

تەیب تەمەل، دەڵێت: دانیشتووانی کامپی مەخمور ٢٠ ساڵە لە دۆخێکی دژواردا بەردەوامی بە ژیانیان دەدەن، بەڵام ئێش و ئازاری مەخمورییەکان کۆتایی نەهاتووە، کاربەدەستانی هەرێمی کوردستان ناوبەناو هاوکاریی کامپەکەیان دەکرد، بەڵام ناوبەناویش بەپێی قۆناغەکان سیاسەتیان بەرامبەر کامپەکە گۆڕی و شەرت و مەرجێکی سەختیان بەسەر کامپەکە سەپاند، ئەو گەمارۆیەش ئێستا بەردەوامە هەڵویستێکی هەڵەیە، هەرچی بوایە، نەدەبوو کاربەدەستانی هەرێم ئەو گەمارۆیەیان بخساتەیە سەر کامپەکە کە هیچ دەرفەتێکی دیکەیان نییە، لەوێ کەسانی پیر، نەخۆش و منداڵ هەن، ئەمە شەرمەزارییە بۆ مرۆڤایەتی. 

لە بەردەوامی قسەکانیدا تەمەل، دەڵێت: دژی کۆرۆنا لە سەرتاسەری جیهان تێکۆشانێکی هاوبەش هەیە، لەم قۆناغ و هەلومەرجەدا گەمارۆی سەر مەخمور قبوڵکراو نییە، پێویستە کاربەدەستانی باشور دەستوبرد ئەو گەمارۆیە لەسەر مەخمور هەڵگرن، چونکە لەوێ ئیدی پێداویستییە مرۆییەکان کەمبووەتەوە و بەرەو نەمان دەچێت، گەنجان، پیرەکان و دایکانی ناو کامپەکە لە ڕێگەی تەلەفۆنەوە ئەوەی لێیان قەوماوە بۆ ئێمە دەگێڕنەوە، دۆخی ئەوێ زۆر خراپە، خۆراک و دەرمان نەماوە و خەڵک چاوەڕیی چارەنووس دەکەن، ئەمە بۆ کاربەدەستانی باشوری کوردستان شەرمێکی گەورەیە، داوا لە بەڕێز مەسعود بارزانی و کاربەدەستانی باشور دەکەم، دەستوبرد ئەم گەمارۆیە هەڵگرن، گەمارۆی سەر مەخمور دژی بەها ئەخلاقییەکانی مرۆڤ و دژی کلتوری کوردییە، ئەم گەمارۆیە لەگەڵ ڕۆحی یەکێتی نەتەوەیی ناگونجێت، پێویستە ئەو هێزانەی پشتیوانی لە یەکێتی نەتەوەیی دەکەن دەنگی خۆیان هەڵببڕن.

ک.س