پێنجشەممە, 2 أبر 2020 – 14:16 ڕۆژنیوز ـ گەرمیان
https://www.youtube.com/watch?v=qyXzAg8Awko&feature=youtu.be”>
ئەمڕۆ د. ڕێواز فایەق سەرۆکی پەرلەمانی هەرێمی کوردستان و نوێنەری فراکسیۆنەکان سەردانی ئیدارەی گەرمیانیان کرد، دوای ئەوەی لەگەڵ ژووری ئۆپەراسیۆنی ئیدارەی گەرمیان لە کەلار کۆبوونەوە، کۆنگرەیەکی ڕۆژنامەنووسیان ئەنجامدا.
سەرۆکی پەرلەمان سوپاسی تەندروستکاران و هەموو ئەو کەسانەی کرد کە بۆ ڕووبەڕووبوونەوەی کۆرۆنا لە کاردان و وتیشی: لە دەرئەنجامی ئەو سەردانانەی کە ئەنجاممان داوه، بیرۆکەی دەرکردنی بڕیارێکی یاساییمان لا گەڵاڵەبووە سەبارەت بە بارودۆخی کاسبکاران و کرێچییەکان و دوکانداران، کە بەهۆی قەدەغەی هاتووچۆوە بێکاربوون، کە دەبێت حکومەت لە باج و دەرامەتی ئەم دوومانگەی دوکان و ئەو خانو باڵەخانانەی کە دەوڵەت موڵکداری دەکات خۆشببێت، بۆ ئەوەی خاوەن موڵکەکانیش لە کرێچییەکانیان خۆشببن”.
د. ڕێواز وتی:”لە داهاتوودا هەوڵ دەدەن هاوکاریی دەستگێڕەکانیش بکەن، “ئێمە ناتوانین پارە بدەینە خەڵک، دەبێت حکومەت هاوکارمان بێت”.
لە وەڵامی پرسیارێکی ڕۆژنیوزدا دەربارەی ئەگەری کەمکردنەوەی مووچە، سەرۆکی پەرلەمان وتی:”ئێمە زەمینەسازیی ناکەین بۆ دەستکارییکردنی مووچە و لە دژی هەر بڕیارێکی وادەبین، بەڵام پێمانوایە ئەم دۆخە خراپە کاریگەری دەبێت لەسەر مووچە و له ئێستادا چەند بیرۆکەیەک تاووتوێ دەکرێت”.
س.ح
