ژمارەیەک لە کەسوکاری ئەو گەریلایانەی لە بۆسەیەکی چەکدارانی پەدەکە شەهیدبوون ماوەی ١٠٧ ڕۆژە داوای تەرمی ڕۆڵەکانیان لە پەدەکە دەکەنەوە و بۆ ئەوەش لە دەروازەی سێماڵکا مانیان گرتووە و ەپدەکەش وەڵامیان ناداتەوە.
چالاکی کەسوکاری شەهیدان بۆ وەرگرتنەوەی تەرمی ئەو شەهیدانەی کە لە بۆسەیەکی هێزەکانی پارتی دیموکراتی کوردستان (پەدەکە) لە خەلیفان شەهید بوون ١٠٧ڕۆژە بەردەوامە.
چین و توێژەکانی ڕۆژئاوای کوردستان ڕۆژانە سەردانی مانگرتوان و کەسوکاری شەهیدان دەکەن لە دەروازەی سێماڵکا و پشتیوانیان دەکەن و لەگەڵیاندا دەمێنەوە و کردەوەکانی پەدەکە شەرمەزار دەکەن و داوای تەرمی ئەو شەهیدانە دەکەنەوە.
ئەمڕۆ، ئەندامانی فیدراسیۆنی جەنگاوەرانی دێرینی باکور و رۆژهەڵاتی سوریا بەشداری چالاکی مانگرتنی دەروازەی سێمالکا بوون و ئیبراهیم بیزەم، لەسەر ناوی بەشداربوانی چالاکیەکە وتی “ئیدانەی ئەو کردەوانەی پەدەکە دەکەین”.
بیزەم ڕایگەیاند، ئەم کردەوانەی پەدەکە خزمەتی گەلی کورد ناکات، بەڵکو خزمەتی دەوڵەتی تورکیای فاشیست دەکات، بۆیە پێویستە حکومەتی باشوری کوردستان ئەو تەرمانەی کە شەهید بوون بە دەستی خۆی ڕادەستی کەسوکاریان بکاتەوە.
کەسوکاری دوو گەریلای شەهید کە لەشەوی ٢٨ی ئابدا لە کەمینێکی هێزەکانی پەدەکەدا لە ناوچەی خەلیفان شەهید کراون، ماوەی ١٠٧ ڕۆژە داوای تەرمی ڕۆڵەکانیان دەکەنەوە و تا ئێستاش پەدەکە وەڵامیان ناداتەوە.
ئەو دوو شەهیدەی ڕۆژئاوای کوردستان بە ناوەکانی شەهید تولهەڵدان ڕامان و سەردەم جودی کە سێ گەریلای دیکەشیان لەگەڵدا شەهیدبوون تا ئێستا تەرمەکانیان نازاندرێت لە کوێیە.
بە گوێرەی وتەی چەند چەکدارێکی هێزی ڕۆژ، لەلای کەسوکارەکەیان دانیان بەوەدانا وە کە بە فەرمانی بەرپرسانی پەدەکە ئەوان کەمینیان بۆ ئەو گروپەی گەریلا داناوە.
کەسوکاری ئەو دوو شەهیدەی ڕۆژئاوای کوردستان لە ٥ی مانگی تشرینی یەکەمی ٢٠٢١وە لە دەروازەی سنوری نێوان ڕۆژئاوای کوردستان و باشوری کوردستان لە مانگرتندان و داوای تەرمی شەهیدەکانیان دەکەنەوە.
ها-غ
