چالاکیی خەڵکی شەنگال، دژی ڕێککەوتنی نێوان هەولێر و بەغدا لەسەر شەنگال و بە ئامانجی پشتیوانیی لە ئاسایشی ئێزدخان، لە ٤٣ـەمین ڕۆژیدا بەردەوامە.
لەڕۆژی ٢ی مانگی ١٢ی ساڵی ٢٠٢٠ـەوە، هاوڵاتیانی شەنگال لەدژی ڕێککەوتنی پەدەکە و بەغدا لەسەر شەنگال و بە مەبەستی پشتیوانیی لە ئاسایشی ئێزدخان، لەبەردەم ناوەندی ئاسایشی شەنگال چادریان هەڵداوە و دەستیان بە چالاکیی کردووە.
بە دروشمی ”ئێمە هەموومان ئاسایشین” چالاکییەکە لە ٤٣ـەمین ڕۆژی خۆیدا لەلایەن ئەنجومەن و ڕێکخراوەکانی شەنگالەوە بەردەوامە و خەڵکی شەنگال تاکو ئێستا چەندین جار داواکارییەکانیان پێشکەشی بەرپرسانی بەغدا کردووە، بەڵام هیچ وڵامێکی ئەرێنییان وەر نەگرتووە، هەر بۆیە خەڵکی شەنگال ڕایدەگەینن؛ تا داواکارییەکانیان پێک نەیت بەردەوام دەبن لە چالاکییەکەیان.
بەو مەبەستەش ڕۆژانە خەڵکی شەنگال، کۆمەڵ بە کۆمەڵ سەردانی شوێنی چالاکییەکە دەکەن و پشتیوانی لە چالاکییەکە دەردەبڕن.
نازێ سەیدۆ ئەندامی ئەنجومەنی ژنان لەسەر ئەو بابەتە بە ڕۆژنیوزی ڕاگەیاند: لەدژی ڕێککەتنەکەی هەولێر و بەغدا بەرخۆدان دەکەین، بە هیچ شێوەیەک ئەم ڕێککەوتنە قبوڵ ناکەین، تا عێراق وەڵامێکی ئەرێنیمان نەداتەوە بەردەوام دەبین لە چالاکییە ڕەواکانمان.
ب.ک
