دووشەممە, 11 ماي 2020 – 20:08 ڕۆژنیوز ـ هەولێر
ئەمڕۆ له باره‌گای كۆمیته‌ی ڕێكخستنی مه‌خموری حزبی شیوعی كوردستان، هەریەک لە حزبی شیوعی كوردستان و یه‌كێتی نیشتیمانی كوردستان و یه‌كگرتوی ئیسلامی كوردستان و یه‌كێتی نه‌ته‌وه‌ی دیموكراتی كوردستان و بزوتنه‌وه‌ی گۆران کۆبوونەوە، لە کۆبوونەوەکەدا بڕیاریاندا، کە چەند کارێکی هاوبەش بۆ چارەسەرکردنی کێشەکانی مەخمور بکەن.
ڕێبوار سالح، بەپرسی کۆمیتەی مەخموری حزبی شیوعی کوردستان بەڕۆژنیوزی وت: لەکۆبوونەوەکەدا باسی کێشە و گرفتەکانی ناوچەکەمان کرد، بەتایبەت دۆخی ئەمنی و جموجۆڵی چەتەکانی داعش لەسنوورەکە، بڕیارماندا هەفتەی داهاتوو سەردانی هێزەکانی عێراق و لایەنە ئیدارییەکان بکەین و لەبارەی کێشەکانی مەخمورەوە داواکارییەکی هاوبەشیان بدەینێ.
د.ع
