چوؤرشەممە, 10 يول 2019 – 20:30 ڕۆژنیوز-ڕانیە
ئێوارەی ئەمڕۆ بەشێك لە چالاكوانان، رۆشنبیران، ڕۆژنامەنووسان و خەڵكی وڵاتپارێزی ڕانیە لەناو باخی گشتی شارۆچكەكە، مەراسیمێكیان ڕێكخست و وەك وەفا و دڵسۆزی و هاوخەمی بۆ شەهید دیار غەریب ٤٦ مۆمیان داگیرساند.
دوای وەستانی خولەكێك ڕێزگرتن بۆ گیانی پاكی شەهیدان، چالاكوانی مەدەنی شۆڕش محەمەد قسەی كرد و ڕایگەیاند: هەڤاڵ هەڵمەت سەركردە و ڕۆژنامەنووس و وڵاتپارێز و پێشڕەوی گەل و وڵات بوو، هیچ پارەیەكی لە گیرفاندا نەبوو، نە پەرلەمانتار و نە سەرۆكی حكومەت بوو، نە ڤێلا و شوقە و ماڵ و منداڵی هەبوو هەموو ژیانی بۆ خزمەتی مرۆڤایەتی و ئازادی گەلی كورد بوو، بەڵام بەهۆی خیانەت و لە لایەن فڕۆكە فاشیستەكانی توركیاوە شەهید كرا، ئەمرۆ لە چیاكانی قەندیلەوە بە هەزاران دیار غەریب و هاوڕێبازانی هەڤاڵ هەڵمەت درێژە بە خەبات دەدەن، با خۆفرۆشان باش بزانن مێژوو رەحم بە كەس ناكات و ئەوانەی خیانەت دەكەن دەچنە زبڵدانی مێژووەوە.
دواتر سەید خالید ژیاننامەی دیار غەریبی خوێندەوە.
لە كۆتایدا بە چەند شیعر و هەڵبەستێك لە لایەن ئامادەبووانەوە و داگیرساندنی ٤٦ مۆم وەك وەفایەك بۆ گیانی پاكی شەهیدی سەركردە دیار غەریب داگیرسێندرا و لە كۆتایدا بە دروشمی شەهید نامرن كۆتایی بە یادەكە هات.
د.ح
