سێشەممە, 16 يون 2020 – 15:18 ڕۆژنیوز – شەنگال
https://youtu.be/KwTWCmPgzG0?t=1″>
ئەمڕۆ کەسایەتیی، ڕیشسپی، سەرۆک عەشیرەتەکانی کۆمەڵگای ئێزیدیی و فەهد حامید، قائیمقامی شەنگال، لەبەردەم قائیمقامیەت بە ڕاگەیەندراوێک هێرشەکانی دەوڵەتی تورکیان شەرمەزارکرد.
ڕاگەیەندراوەکە لە لایەن حوسێن حاجی، خویندرایەوە و تێدا هاتبوو شەنگال شوێنیکی ئارام و ئازادە، بەڵام دەوڵەتی تورک بە هاوکاریی ناوخۆیی دەیانەوێت ئەو ئارامییە تێکبدەن و شەنگال چۆڵبکەن و ئەوەی داعش بە تاوانە وەحشیگەرییەکانی نەیتوانی بکات، ئێستا دەوڵەتی تورک دەیەوێت بەو هێرشانە ئەنجامی بدات.
ئاماژە بۆ ئەوەشکرابوو کە دەوڵەتی تورکیا ناتوانێت بمان ترسینێت و بمان چەوسێنێتەوە، چەندە دەیانەوێت هێرش بکەن با بیکەن گرێدراویمان بەخاکە پیرۆزەکەمانەوە زیاتر دەبێت.
لەدرێژەدا هاتبوو: ئەم هێرشە بە بێ ئاگاداریی دەوڵەتی عێراق ئەنجامنەدراوە، ئەم هێرشە چەندە لە دژی نرخ و بەها پیرۆزەکانی کۆمەڵگای ئێزیدیی ئەنجامدراوە، ئەوەندەش لە دژیی سەربەخۆیی و سەروەریی خاکی عێراق ئەنجامدراوە.
لەکۆتاییشدا ئاماژە بەوەکرا کە هێرشەکە جگە لەوەی ئامانجی تێکدانی ئارامی شەنگالە ئامانجێکی دیکەشی ئەوەیە ئەو ئێزیدییانەی دەیانەوێت بگەڕێنەوە زێدی خۆیان نەگەڕێنەوە و بەو هێرشانە چاو ترسینیان بکەن و کۆمەڵگای ئێزیدی تەنیا بکەن و شەنگال لە ئێزیدییەکان خاڵی بکەن.
داواش لە عێراق کرا بە ئەرک و بەرپرسیارێتی خۆی هەستێت و نەتەوە یەکگرتووەکان و ڕێکخراوەکانی مافی مرۆڤیش لەبەرامبەر ئەو هێرشانەی دەوڵەتی تورک هەڵوێستیان هەبێت و فشار لەسەر دەوڵەتی تورک دروست بکەن و لێی بپرسنەوە.
ک.س
