یەكشەممە, 9 سبت 2018 – 21:14 ڕۆژنیوز – هەولێر
ئەمشەو، شێروان زرار، كۆمسیۆنی باڵای سەربەخۆی هەڵبژاردن و ڕاپرسیی هەرێمی كوردستان لە بینای كۆمسیۆن لە شاری هەولێر، لە كۆنگرەیەكی ڕۆژنامەنووسیی لەبارەی وادەی دەستپێکردنی بانگەشەی هەڵبژاردنەوە ئەنجامدا.
شیروان زرار، ڕایگەیاند: سبەی شەو كاتژمێر ١٢:٠٠ بانگەشەی هەڵبژاردن دەستپێدەكات و لیست و قەوارە سیاسییەكان ئازادن لە دەستپێكردنی بانگەشەكانیان.
وتیشی: ڕۆژی ٣٠ی ئەیلول هەڵبژاردنی پەرلەمانی هەرێمی كوردستان ئەنجامدەدرێت و كۆمسیۆن بەردەوامە لە ئامادەكارییەكان بۆ ڕۆژی ئەنجامدانی هەڵبژاردنەكان.
وتەبێژی کۆمیسۆنی ئاماژە بەوەشکرد، کە چەند لیژنەیەكیان لەسەر ئاستی پارێزگاكانی هەرێمی کوردستان پێكهێناوە، بۆ ئەوەی چاودێری بانگەشەی هەڵبژاردنەكان بكەن، لەكاتی بوونی هەر سەرپێچیەك لیژنەكە ڕاپۆرتی خۆی دەنووسێت و لەكۆتایی پرۆسەكەدا ئەو لایەنانەی كە سەرپێچی ڕێنماییەکانی کۆمسیۆنیان کردووە سزای ماددیی دەدرێن.
ب.ل
