کۆمیتەی بەڕێوەبەری پەکەکە، لە ساڵیادی شەهیدبوونیدا، قاسم ئەنگین، ئەندامی کۆمیتەی ناوەندی پەکەکەی بەبیرهێنایەوە و ڕایگەیاند، لە تێکۆشانی بوێریدا یادی هەڤاڵ قاسم ئەنگین و شەهیدانمان دەکەینەوە.
کۆمیتەی بەڕێوەبەری پەکەکە لە لێدوانێکی نوسراودا یادی قاسم ئەنگین، ئەندامی کۆمیتەی ناوەندی پەکەکە کردەوە، کە دوو ساڵ لەمەوبەر شەهید کرا.
لە ڕاگەیەندراوەکەدا هاتووە “هەڤاڵمان قاسم ئەنگین، ئەندامی کۆمیتەی ناوەندی پەکەکە کە لە ٢٧ی ئایاری ٢٠٢٠دا بە دەستی فاشیزمی ئاکەپە – مەهەپە شەهیدکرا، لە دووەمین ساڵیادی شەهیدبوونیدا بە ڕێزەوە یادی خۆشەویستی دەکەینەوە ئێمە بەڵێنی خۆمان دووپات دەکەینەوە بۆ گەیشتن بە ئامانجەکەی و بەبیرهێنانەوەی ئەو لە سێیەمین ساڵی شەهیدبوونیدا دەڵێین وەک تەڤگەری ئازادیی کۆمەڵگەی کوردستان و گەلی کورد بە شوێن پێی قاسم ئەنگین و هەموو شەهیدە قارەمانەکان دەڕۆین و سەرکەوتنی گەورە بەدەست دێنین”.
پەکەکە ڕاشیگەیاندووە: ئاشکرایە کە هەڤاڵمان قاسم ئەنگین یەکێکە لە شەهیدە مەزنەکانی مانگی شەهیدانمان لە مانگی ئایاردا، ئەمڕۆ بە شەهیدە قارەمانەکانمان لە بەرخۆدانی ئازادیمان بە پلەی یەکەم لە زاپ و ئاڤاشین لە چوار پارچەی کوردستان و دەرەوە بەردەوامە بەم بۆنەیەوە سڵاو لە بەرخۆدانی مێژوویی گەریلا قارەمانەکانمان و گەلەکەمان لەسەر هێڵی ڕێبەرایەتی و شەهیدان دەکەین و شەهیدە قارەمانەکانی ئەم بەرخۆدانە بە ڕێز و سوپاسەوە بەبیر دێنین.
قاسم ئەنگین لە ڕۆژئاوای کوردستان لەدایک بووە، لە ئەوروپا گەورە بووە و لە تەمەنێکی بچووکدا خەباتی ئازادی لە کوردستان ناسیوە و بەشداری لە کاری شۆڕشگێڕانەی ئەوروپادا کردووە و دوای ئەوەی بە قووڵی لە واقیعی ڕێبەر ئاپۆ و پەکەکە تێگەیشتبوو، دەستبەرداری ژیانی ئەوروپا بوو و چووە ڕیزی گەریلاوە.
لە سێیەمین ساڵی شەهیدبوونی قاسم ئەنگین پەکەکە ڕایگەیاندووە: وەک گەل و بزووتنەوەیەک، بە پێشەنگایەتیی بەرخۆدانی زاپ و ئاڤاشین، بەرخۆدانی تەواوی شەڕی گەلی شۆڕشگێڕ لەسەر ئاستی پاراستنی گەل بەڕێوەدەبەین گەریلا قارەمانەکانمان هەموو ڕۆژێک گورزی قورس لە فاشیزمی ئاکەپە – مەهەپە دەدەن.
لە بارەی شەڕی گەریلا لە ئێستادا پەکەکە دەڵێت: فاشیزمی ئاکەپە – مەهەپە چەندە هێرشبەر بێت، هەرچەند تاوانی جەنگ ئەنجام دەدات، هەرگیز لە دژی بەرخۆدانی گەل و گەریلاکانمان سەرناکەوێت پشتیوانی ئەمریکا و ناتۆ و پەدەکە و فشار و تیرۆر ناتوانێت فاشیزمی ئاکەپە – مەهەپە ڕزگار بکات.
پەکەکە وتوشیەتی: ئێمە لە تێکۆشانێکی وەها بوێرانە یادهەڤاڵ قاسم ئەنگین و شەهیدان دەکەینەوە و لەسەر ئەم بنەمایە، لە کەسایەتی هەڤاڵ قاسم ئەنگین دا، شەهیدە قارەمانەکانمان جارێکی دیکە بەڕێزەوە یاد دەکەنەوە.
ها-غ
