کۆمیتەی کلتوری پەکەکە بانگەوازی هونەرمەندان بۆیەکێتی نەتەوەیی بەرز دەنرخێنێت

کۆمیتەی کلتوری پەکەکە بانگەوازی هونەرمەندان و ڕۆشنبیران بۆ یەکێتی نەتەوەیی بەرز دەنرخێنێت و ڕایدەگەیەنێت کە پێویستە لەدژی قڕکردنی کورد یەکگرتووبین.


٢٥ی ئەم مانگە لە شاری کۆڵنی ئەڵمانیا، ژمارەیەک لە هونەرمەندان و ڕۆشنبیرانی کورد لە چوارپارچەی کوردستان، کۆبوونەوە و بانگەوازییان بۆ یەکێتی نەتەوەیی کرد، لەسەر هەڵوێستی ئەو هونەر مەندانە کۆمیتەی کلتوری و هونەری پەکەکە ڕاگەیەنراوێکی بڵاوکردەوە و ئاماژە بەوەدەکات کە دەستپێشخەریی ڕۆشنبیر و هونەرمەندان لە سەر ناوی کلتور، زمان و یەکێتی نەتەوەیی گرنگی مێژوویی هەیە و "ئێمە لە سەردەمێکداین کە یەکێتی نەتەوەیی پێویستییە".

کۆمیتەی کلتوری و هونەری پەکەکە لە ڕاگەیەنراوەکەدا دەڵێت: "فاشیزمی دوای قڕکردنی ئەرمەن، سوریان، کلدان و ڕۆمەکان لە ئێستادا دەیانەوێت لەدژی گەلی کورد قڕکردنەکە تەواو بکەن، بە هێرشی داگیرکەری لەبەرامبەر سەربەرزی مرۆڤایەتی ڕۆژئاوا، ڕاستیەکەی بۆ هەموو کەسێک ئاشکرا کردووە، ئامانجەکە بەشێک لە کورد نییە، هەموو کوردستانە، بە تەنها کوردیش ئامانج نییە، هەموو گەلانی سەر ئەم جۆگرافیایە ئامانجن، لەبەرچاوی جیهان تاوانی مرۆڤایەتی دەکرێت و بەردەوامە، لەدژی هێرشەکان بە هێزی گەلەکەمان گەورەترین بەرخۆدان لە جیهاندا بەڕێوەدەبرێت، لەبەر ئەو ڕاستیە گیانی یەکێتی نەتەوەیی لە هەموو کاتێک زیاتر گەش بووە و بووە بە ئەرکێک کە لەوە زیاتر ناتوانرێت دوابخرێت.

لە دژی ئەردۆغان کە بووە بە خاوەن نازناوی دیکتاتۆری سەدە و لە دژی ڕژێمی قڕکەر کە ئەردۆغان نوێنەرایەتی دەکات، بەرخۆدانی گەلەکەمان کە باجی زۆر دەدرێت، ئەگەر بە یەکێتی نەتەوەیی مسۆگەر بکرێت و هیوای سەدان ساڵە بەدیبهێنرێت، دەبێتە مزگێنی ئازادی.

هەر لە ڕاگەیەندراوەکەدا هاتووە: گەلەکەمان دیواری ترسی هەڵوەشاند، وەک ئەوەی گەلەکەمان دەڵێت، "هەرچەند تاریک بن، ناتوانن خۆیان بەرامبەر هێزی با بگرن." هەروەها گەلەکەمان لە ئاستێکدایە دەتوانێت کێشەکانی بە دیالۆگ چارەسەر بکات و خاوەن ئەو ئەزموونەیە، لە هەموو پارچەکانی کوردستان ئەزموونی زۆری تێکۆشان و دەستکەوتەکان هەن، یەکخستنی ئەو هەموو بەهایانە، سیاسەتی دوژمنانی کوردستان بۆ پارچەکردن و لەناوبردن، پووچەڵ دەکاتەوە.

کۆمیتەی کلتوری و هونەری پەکەکە ئەوەشی خستووەتەڕوو کە: لەم قۆناغەدا دەستپێشخەری و پێشەنگایەتی ڕۆشنبیر و هونەرمەندان لە ئەوروپا بۆ یەکێتی نەتەوەیی هەنگاوێکی مێژووییە، بای ئازادی کە هەموو هەورە تاریکەکان بڵاودەکاتەوە، بای یەکێتی نەتەوەییە، ڕۆشنبیر و هونەرمەندەکانمان بە هەنگاوەکەیان بۆ یەکێتی نەتەوەیی بەرپرسیاریەکی گەورەیان بەجێهێنا.

هەروەها لە باکووری کوردستان هەوڵەکانی تۆڕی کلتور و زمانی ناوەند و دەزگا دیموکراتیەکانی ڕۆشنبیر و هونەرمەندان لەم قۆناغەدا لەدژی قڕکردن هەڵویستێکی واتادارە، لەدژی ڕژێم کە هێرشی داگیرکەریی بۆ هەموو جێگەیەک دەبات، لەگەڵ ئەوەی زمانی کوردانیش قەدەغە دەکات و دەڵێت، هیچ هێرشێک لەسەر کورد نییە، پاراستنی کلتور و زمانی دایک پێویستی و ئەرکێکی نەتەوەییە. بابەتی زمان خاڵی شکاندنی قڕکردنی کلتورییە، هەروەها بە هۆی چۆنیەتی بەشداربووان بینرا ئەم هەنگاوە بۆ یەکێتی نەتەوەیی هەنگاوێکی گرنگە.

هەروەها هاتووە: لەم قۆناغە مێژووییەدا کە گەلی کوردستان و گەلەکانمان خۆیان قەدەری خۆیان دیاری دەکەن و بە باجی گەورە بەرەو ئازادی دەڕۆن، ئێمە ئەم جۆرە دەستپێشخەریانە بە پێشەنگایەتی ڕۆشنبیر و هونەرمەندان بە گرنگ دەزانین و بەهۆی هەستیاریان، پیرۆزباییان لێدەکەین و هیوای سەرکەوتنیان بۆ دەخوازین.

ئەم هەڵوێستە لەدژی فاشیزم هەڵوێستی ئازادییە، لەدژی ڕژێمی قڕکردن هەڵوێستی بەشەرەفی بەرخۆدانە، لەسەر ناوی یەکێتی نەتەوەیی بانگ و هەڵوێستێکی مێژوویییە، بە هۆی ئەو هۆکارانە هیوامان وایە ئەم جۆرە دەستپێشەخەریانە تا یەکێتی نەتەوەیی بەردەوام بن و ڕایدەگەیەنین، ئێمە وەک بزوتنەوەی کلتوری و هونەری دیموکراتی کوردستان هەموو کاتێک لەگەڵیانین و پشتگیریان لێدەکەین و سڵاو و ڕێزی خۆمانیانن پێشکێش دەکەین.

ک.س