شەممە, 22 أكت 2016 – 16:43
رۆژنیوز- سۆران محەمەد
لە ناو خوێندنگایەكی گەڕەكی (ئەسرا و مەفقودین)ی شاری کەرکوک، شەڕ و ڕووبەڕووبوونەوە لە نێوان چەتەكانی داعش و هێزە ئەمنییەكان بەردەوامە.
لە بەرە بەیانی ئەمڕۆوە، ڕووبەڕووبوونەوە لە نێوان چەتەكانی داعش و هێزە ئەمنییەكان بە تایبەت هێزە ڕەشەكە بە توندی درێژەی هەیە .
تا ئێستا دوو چەتە كوژراون و دوانی دیکەش ناچار بە خۆتەقاندنەوە كراون، لە ئێستادا تەنها یەك چەتە لە ناو بینای خوێندگاكە ماوە، بە پێی زانیارییەكان، ئەو چەتەیە بە برینداری شەڕ لەگەڵ هێزە ئەمنییەكان دەكات .
لە کاتە هەستیارانەدا، ڕێگا نادرێت بە كەناڵەكانی ڕاگەیاندن ڕووماڵی ڕووبەڕووبوونەوەكە بكەن .
عەقید عەبدوڵڵا لە هێزە ڕەشەكە بە رۆژنیوزی ڕاگەیاند:”لە بەرەبەیانی ئەمڕۆوە ڕووبەڕووبوونەوە بەردەوامە، ئێستاکە تەنها یەك لەو چەتانە لە ناو بینای خوێندنگاكە ماوەتەوە، دوای كۆنتڕۆڵكردنەوەی خوێندنگاكە، سەرجەم ماڵەكانی ئەو گەڕەكە دەپشكنین”.
د.خ
