کەمپەینێکی واژۆ کۆکردنەوە دژ بە داگیرکارییەکانی دەوڵەتی تورک بەڕێوەدەچێت

ژمارەیەک ڕۆژشنبیر و ڕۆژنامەنووس لە باشوری کوردستان کەمپەینێکی واژۆ کۆکردنەوەیان دژ بە داگیرکارییەکانی دەوڵەتی تورک لەسەر خاکی باشوری کوردستان دەستپێکردووە، بڕیاریشە واژۆکان ئاراستەی هەردوو حکومەت و پەرلەمانی عێراق و هەرێمی کوردستان و ناوەندە نێودەوڵەتییەکان بکەن.


ژمارەیەک ڕۆژشنبیر و ڕۆژنامەنووسی باشوری کوردستان، کە پێکهاتوون لە عەبدوڵای مەلا نوری، شێرکۆ حەمە ئەمین، هاوژین مەلا ئەمین، شۆڕش خدر، موحسین ئەدیب، ئومێد قەرەداغی، دکتۆر فایەق گوڵپی، بێریڤان محەمەد، عادل عوسمان، محەمەد بەكر، حەسەن جودی، ئیبراهیم محەمەد و یەریڤان شاسوار کەمپەینی کۆکردنەوەی واژۆیان دژ بە داگیرکارییەکانی دەوڵەتی تورک لەسەر خاکی باشوری کوردستان دەستپێکردەوە.

کەمپەینەکە لە ڕۆژی ٢٠ی حوزەیرانەوە دەستیپێکردووە و تا ئێستا سەدان کەس لە توێژە جیاجیاکان لە هەرچوار پارچەی کوردستان و دەرەوەی وڵاتەوە بەشدارییان تێدا کردووە و تا ئێستاش بەردەوامە.

بەوتەی ئومید قەرەداغی، یەکێک لە ڕێکخەرانی کەمپەینەکە، لە کۆنگرەیەکی ڕۆژنامەنووسییدا ئیمرازاکان ڕادەگەیەندرێن، دواتریش سەردانی هەردوو حکومەت و پەرلەمانی عێراق و هەرێمی کوردستان و ناوەندە نیودەوڵەتییەکانی وەک نەتەوە یەکگرتووەکان و ڕێکخراوەکانی مافی مرۆڤ دەکەن و واژۆکانیان پێشکەش دەکەن.

ڕێکخەرانی کەمپەینە ئیمێل و ژمارەی تەلەفۆنیان بۆ ئەو کەسانە داناوە، کە خوازیاری بەشدارییکردن لە کەمپەینەکەدا، دەتوانن ناو و پیشە و شوێنی نیشتەجێبوونی خۆیان بنێرن بۆ ئەم ناونیشانانەی خوارەوە:

٠٧٧٠١٤٤٦٧٤٥

[email protected]

٠٧٧٠١٥٧١٦٤٨

[email protected]

س.ح