گەرمیان، بەرەی نیشتیمان بۆ پشتیوانیکردن لە ڕۆژئاوا چالاکی ئەنجام دەدەن

بەرەی نیشتیمان دژی داگیرکاری لە گەرمیان، لە دژی هێرشەکانی دەوڵەتی داگیرکەری تورک بۆسەر ڕۆژئاوای کوردستان، لەشارۆچکەی کەلار کۆبوونەوە سەبارەت بە میکانیزم و ڕێبازەکانی ئەنجامدانی چالاکی و خۆپێشاندان دژی داگیرکەری.


 ئێوارەی ئەمڕۆ لە بارەگای حزبی زەحمەتکێشانی کوردستان، لە شارۆچکەی کەلاری ناوەندی ئیدارەی گەرمیان، بەرەی نیشتیمان دژی داگیرکاری سەبارەت بە دیاریکردنی میکانیزم و ڕێبازێک بۆ ئەنجامدانی چالاکی جۆراوجۆر، بۆ ئیدانەکردنی هێرشەکانی دەوڵەتی داگیرکەری تورک بۆسەر باکور و ڕۆژهەڵاتی سوریا و پشتیوانیکردنی گەلی ڕۆژئاوا کۆبوونەوەیەکیان ئەنجامدا.

ئەندامانی بەرەکە بڕیاریاندا، سبەینێ کاتژمێر ٠٤:٠٠ی ئێوارە لە پارکی لەیلا قاسم بۆناو بازاڕی شارۆچکەی کەلار ڕێپێوانێکی فراوان ئەنجامبدەن و لە ڕۆژانی دواتریش بە چالاکی جیاواز پشتیوانی خۆیان دەربڕن بۆ پاڵپشتیکردنی خەڵکی ڕۆژئاوای کوردستان، لە دژی هێرشەکانی دەوڵەتی داگیرکەری تورک بۆسەر باکور و ڕۆژهەڵاتی سوریا.

 ب.ش