گەریلاکانی یەژاستار لە چوارچێوەی هەنگاوی شۆڕشگێڕیی جەنگی هەفتانیندا، دوێنێ لەدژی سوپای داگیرکەری دەوڵەتی تورک چالاکییان ئەنجامدا ١٣ سەربازی سوپای تورکی داگیرکەریان سزادا.
لە ڕاگەیەندراوەکەی یەژاستاردا، کە ئەمڕۆ بڵاوکراوەتەوە هاتووە:
هێزەکانمان لە کاتژمێر ٠٧:٤٥ خولەک لە دژی یەکەیەکی سەربازی سوپای داگیرکەری دەوڵەتی تورک لە نێوان تەپەی دووپشک و تەپەی شەهید بێریڤان چالاکیەکیان ئەنجامدا. لەو چالاکیەدا ٩ سەربازی دوژمن سزا دران کە یەکێکیان پلەدارێکی سەربازی بوو، هاوکات ٦ سەربازیش بریندار بوون.
هێزەکانمان لە کاتژمێر ١٤:٣٠ خولەک لە گردی شەهید بەرخۆدان، کە دەکەوێتە دەڤەری خانتورەوە، لە هێزی داگیرکەریانیان دا، لەو چالاکیەدا گورزێکی بەهێز لە پەناگەی دوژمن درا و پەناگەکە بە تەواوەتی هەڵوەشایەوە و چوار سەربازی دووژمن سزا دران.
سوپای داگیرکەری تورک دوای ئەم چالاکییانە بە هێلیکۆپتەری سکۆرسکی سەربازە سزادراو و بریندارەکانی خۆی لە هەرێمەکە دوور خستەوە.
فڕۆکە جەنگییەکانی دەوڵەتی داگیرکەری تورک، هەرێمی زاپی سەر بە هەرێمەکانی پاراستنی مەدیایان بوردوومان کرد:
٥ی ئاب کاتژمێر ٢١:٣٠ خولەک فڕۆکە جەنگییەکان ناوچەکانی جیلۆی بچوک، کوڕەژارۆ و چەمجویان بوردوومان کرد.
٦ی ئابیش کاتژمێر ٠٩:٠٠ فڕۆکە جەنگییەکان ناوچەی جیلۆی بچوکیان جارێکی دیکە بوردوومان کردەوە.
بۆردوومانەکان هیچ زیانێکی هێزەکانمانی بەدواوە نەبوو.
ش.ف
