گەنجانی ئێزدی دژی هێرشەکانی دەوڵەتی تورک ڕێیان پێوا

یەکێتی گەنجانی ئێزدی و یەکێتی ژنانی گەنجی ئێزدی هێرشەکانی دەوڵەتی تورک و شەهیدکردنی دژی دیار غەریب ئەندامی کۆنسەی سەرۆکایەتی کەجەکە-یان بەڕێپێوانێک شەرمەزار کرد.


یەکێتی گەنجانی ئێزدی و یەکێتی ژنانی گەنجی ئێزدی لە شەنگال دژی هێرشەکانی دەوڵەتی تورک و شەهیدکردنی دیار غەریب ئەندامی کۆنسەی سەرۆکایەتی کەجەکە، ڕێپێوانیان کرد و ئەو هێرشانەیان شەرمەزار کرد و لە کۆتاییڕێپێوانەکەڕاگەیەندراوێکیان خوێندەوە.

لەڕاگەیەندراوەکەدا هاتبوو: سەری ڕێز بۆ ئەو شەهیدانەی کە لەڕێگای ئازادیی گەلان گیانی خۆیان بەختکرد دادەنوێنین، بە تایبەت هەڤاڵ زەکی و هەڤاڵ هەڵمەت کە بە دەستی خیانەتکاران و هێزەکانی هاوکاری دەوڵەتی تورک شەهید بوون، ئێمەڕێگای ئەو شەهیدانە بەردەوام دەکەین و وەک گەنجان شوێنی ڕاستی و حەقیقەتی ئەوان دەکەوین، ئەوان بوون بەڕێنیشاندەری تێکۆشانی ئێمە.

لە بەردەوامیی ڕاگەیەندراوەکەدا هاتبوو: باش دەزانین ئەو هێرشە لەلایەن کێوە کراوە، هەروەک لە فەرمانەکە خیانەتیان لە ئێمە کرد، خیانەت بووەتە پیشەیان و ئەو خیانەتەیان لە پێشەنگێکی ئێمەش کرد، بانگ لە هەموو هێزەکانی کوردستان و گەنجانی چوارپارچەی کوردستان بە تایبەت گەنجانی باشور دەکەین، کە هێڵی بنەماڵەی بارزانی باش بناسن و لە بەرامبەر کردەوەکانیان کە خیانەت لە خاک و وڵاتی خۆیان دەکەن بێدەنگ نەبن.

هەروەها هاتبوو: دیسان هۆشیاریی دەدەین کە گەنجان لە هەر شوێنێک بن بۆ تۆڵەکردنەوەی خوێنی شەهیدان لەناو چالاکیی دەبن، لە هەر شوێنیک خزمەت بە گەل نەکرێت و خیانەتیان لێبکرێت دەبنە ئامانجی ئێمە، "بە خەتی خیانەت دەڵێین ئیدی بەسە"، گەنجی ئێزدی لەهەر شوێنێک بێت دژی خەتی خیانەت تێکۆشان دەکات، چونکە ئەو خەتە لەهەر شوێنێک بێت کۆمەڵگا و مرۆڤەکان ڕووبەڕووی لەناوبردن وکوشتن دەکاتەوە.

ڕاگەیەندراوەکە بەم ڕستەیە کۆتایی پێهاتووە:"دژی کردەوەکانی دەوڵەتی فاشیستی تورک و خراپەکار و پارتی هاوکاری، سەرهەڵدە، سەرهەڵدە، سەرهەڵدە".

س.ح