گەنجانی وڵاتپارێز لە شاری سلێمانی، لە یادی سەرهەڵدانی شیلادزێ کە تیادا دژی داگیرکاری تورک خۆپیشاندانیان ئەنجامدا، سیمینارێکیان ئەنجامدا.
لە ناوەندی کۆمەڵەی گەنجانی وڵاتپارێزی کوردستان لە شاری سلێمانی، سیمینارێک سەبارەت بە سەرهەڵدانی گەنجانی شیلادزێ، دژی بارەگا سەربازیەکانی دەوڵەتی داگیرکەری تورک بەڕێوەچوو.
دوای خولەکێک وەستان بۆ ڕێزگرتن لە شەهیدان، کارزان قادر چالاکوانی لە بواری مافەکانی گەنجاندا وتی: دوای ئەو سەرهەڵدانە پێویستی دەکرد حکومەتی هەرێم، دەستخۆشیان لێ بکات، نەک بێ سەروشوێن و زیندانیان بکات”.
هەر لەو سیمینارەدا بە نیشاندانی بەڵگە فیلمێک لەسەر سەرهەڵدانی گەنجانی شیلادزێ دژی داگیرکاریەکانی دەوڵەتی تورک نمایشکرا.
گەنجان و خەڵکی شیلادزێ لە ٢٦/١/٢٠١٩ دوای شەهید کردنی دوو هاوڵاتی ناوچەکە سەرهەڵدانیان کرد و هێرشیان کردە سەر بارەگاکانی دەوڵەتی تورک لە ناوچەکە دواتر پەدەکە لە سەر ناوی حکومەتی هەرێم دەستی بە ڕەشبگیری و گرتن و زیندانی کردنی گەنجان و ڕۆژنامەنوسان کرد کە بەشێکیان تا ئێستاش لە زینداندا ماونەتەوە.
ها-غ
