هەینی, 22 يون 2018 – 19:45 ڕۆژنیوز – چەمچەماڵ
ئێوارەی ئەمڕۆ گەنجێك لە شارۆچكەی چەمچەماڵ بە فیشەك كۆتایی بە ژیانی خۆی هێنا، كە تەمەنی ١٨ ساڵە.
ئەیوب حەمە جێگری بەڕێوەبەری تەندروستی چەمچەماڵ بۆ ڕۆژنیوز وتی: “ئەو گەنجە ناوی شێروان عەدنان عومەرە و تەمەنی ١٨ ساڵە و دانیشتووی گەرەكی ئاسودەیە، كە بە ئەنفالەكان ناسراوە، كاتژمێر ٦:٣٠ خولەك تەرمەكەی گەیەندراوەتە نەخۆشخانە، ئێمەش ڕەوانەی پزیشی دادی سلێمانیان كردووە”.
باسی لەوەش كرد: گەنجەكە لە ڕێگەی ناوشوان نزیك پێشەنگای فرۆشتنی ئۆتۆمبێلەكان، لە ڕێگەی فیشەكەوە كە بەسەری خۆیەوە ناوە كۆتایی بەژیانی خۆی هێناوە، لە ئێستادا لەلایەن بنكەی پۆلیسی چەمچەماڵەوە پەڕاوی لێكۆڵینەوە بۆ دۆسییەكە كراوەتەوە و لێكۆڵینەوە دەستیپێكردووە.
بەپێی ئامارێك، كە ڕۆژنیوز ڕۆژانە لەگەڵ ڕووداوەكان لای خۆی تۆماریكردووە، لە سەرەتای ئەمساڵەوە هەتا ئەمڕۆ، ١٦٦ كەس لە هەردوو ڕەگەز لە باشوری كوردستان كوژراون یان خۆیان كوشتووە، ئەمە بێجگە لەو كوشتنانەی، كە بەهۆی كردەوەی تیرۆرستییەوە ڕوودەدەن.
ك.ك/ک
