ئەمڕۆ، خانەوادە، هاوپیشە و هەڤاڵانی ڕۆژنامەنووسانی شەهید دلیشان ئیبش و هۆگر محەمەد، لە شاری قامیشلۆی ڕۆژئاوای کوردستان بەبۆنەی یەکەمین ساڵیادی شەهیدبوونی ئەو شەهیدانەوە مەراسیمێکیان بەڕێوەبرد.

مەراسیمەکە بە خولەکێک بێدەنگی بۆ ڕێزگرتن لە یادی شەهیدان دەستیپێکرد و پاشان ژمارەیەک لە هاوپیشەکانی ئەو ڕۆژنامەنووسە شەهیدانە لە ئاژانسی هەواڵی هاوار لە مەراسیمەکەدا قسەیان کرد.

پاشان ئازاد سیپان جان، هاوسەرۆکی یەکێتی ڕاگەیاندنی ئازاد وتارێکی پێشکەش کرد و پاش سەرەخۆشییکردن لە خانەوادەی ئەو شەهیدانە وتی: ئێمە ڕێگانادەین کامێرای ئەو شەهیدانە بکەوێتە سەر زەوی و درێژەپێدەری ڕێبازەکەیان دەبین.

باوکی شەهید هۆگر محەمەدیش لە مەراسیمەکەدا قسەی کرد و وتی: ئێمە سەرفەرازین بە شەهیدبوونی کوڕەکەمان.

ڕۆژی ١٢ی ئۆکتۆبەری ساڵی ٢٠١٧ لە ئەنجامی تەقینەوەی ئۆتۆمبێلێکی بۆمبڕێژکراو لە دەوروبەری حەسەکە، هۆگر محەمەد و دلیشان ئیبش، ڕۆژنامەنووسانی ئاژانسی هەواڵی هاوار شەهیدبوون.

ش.ف