KURDÎ
العربية
TÜRKÇE
ئەرشیف
چوار شه‌ممه‌, حوزه‌یران 29, 2022
  •  
  • كوردستان
  • ڕۆژهەڵاتی ناوەڕاست
  • جيهان
  • ژن ‌
  • کۆمه‌ڵایه‌تى
  • ئابووری
  • کلتوور و هونه‌ر
  • ژینگه‌
  • چاوپێکه‌وتن
  • دیكه‌
    • وتار
    • چاوپێکەوتن
    • دۆسیە
    • ڤیدیۆ
    • وێنە
  • كۆی بابەتەكان
بەردەست نییە
هەموویان پیشان بدە
  •  
  • كوردستان
  • ڕۆژهەڵاتی ناوەڕاست
  • جيهان
  • ژن ‌
  • کۆمه‌ڵایه‌تى
  • ئابووری
  • کلتوور و هونه‌ر
  • ژینگه‌
  • چاوپێکه‌وتن
  • دیكه‌
    • وتار
    • چاوپێکەوتن
    • دۆسیە
    • ڤیدیۆ
    • وێنە
  • كۆی بابەتەكان
بەردەست نییە
هەموویان پیشان بدە

سەرۆکى زانکۆى کۆیە: هەندێک بوونەتە داردەستی دووژمن و دەیانەوێت دۆخی سلێمانی بشێوێنن

  ڕۆژنیوز- کۆیە
24/05/2022 - 8:15:22 am
لەناو چاوپێکه‌وتن
0 0
A A
FacebookTwitterEmailTelegramWhatsappPinterest

سەرۆکى زانکۆى کۆیە: سەرۆکى زانکۆى کۆیە، ئاماژە بە زیانەکانی ناکۆکییە ناوخۆییەکان دەکات و دەڵێت، ئەو ناکۆکییانە دەرفەتی زێڕینیان بۆ نەیارانى کورد ڕەخساندووە، دەشڵێت: هەندێ کەس و لایەن بەمەبەست دەیانەوێت سنووری سلێمانی بشێوێنن، کە بەشێک لەوانە بونەتە داردەستی دووژمنانى گەلەکەمان.

دکتۆر وەلید مەحمود، سەرۆکى زانکۆیە لە چاوپێکەوتنێکدا وەڵامی چەندین پرسیاری ڕۆژنیوز دەداتەوە سەبارەت بە هێرش و داگیرکارییەکانی دەوڵەتی تورک.

دەقی چاوپێکەوتنەکە:

-سەرەڕای شکستە یەک لەدوای یەکەکان، هێرشی دەوڵەتی تورک بەردەوامە، بۆچی؟

“خەونی زیندووکردنەوەی دەوڵەتی عوسمانیی هەیە”

وەلید مەحمود: تورکیا خەونی زیندووکردنەوەی دەوڵەتی عوسمانیی هەیە، لەگەڵ ئەوەشدا دەسەڵاتدارانی ئاکەپە لە ناوخۆی وڵاتدا شکستیان هێناوە، هەر بۆیە بۆ لە بیربردنەوەی کێشە ناوخۆییەکان و بردنە دەرەوەی لە تورکیا، بەردەوام هەوڵی هەڵگیرساندنى شەڕ و و داگیرکردنى خاکى وڵاتانى دراوسێ و هەندێ وڵاتى دیکەش دەدات، بۆ نمونە هێزی بۆ لیبیا نارد دەستی خستە ناو کاروبارەکانى ئازربایجان و ئەرمینیا، لەو چوارچێوەیەشدا بەردەوام هێرش و پەلامارەکانی بۆ سەر هەرێمی کوردستان درێژەپێداوە.

-بۆچی ئەگەر لەناوخۆدا کێشەی گەورەشیان هەبێت، بەڵام کاتێک دێتە سەر پرسی کورد ئەوان یەکگرتوون، لە بەرامبەریشدا کورد بەردەوام پەرتەوازەیە؟

وەلید مەحمود: سەبارەت بە وڵاتان ئەوە دیارە هەرگیز پێیان خۆش نیە کورد ببێت بە کیان و گەلێکی ئازاد، هەربۆیە هەموو شتێک لەوپێناوەدا دەکەن، بەڵام سەبارەت بە کورد و هێزە سیاسییەکان، کە ناتوانن یەکدەنگ و تەبا بن، ئەوە نەخۆشیەکی کوشندەیە و بەرۆکی کوردی گرتووە، پێویستە هەرچی زووە ئەم نەخۆشیە چارەسەر بکەین و یەکگرتووبین و هاوهەڵوێست بین بەرامبەر نەیارانی کورد.

ئەو یەکنەگرتنەى هێزە کوردییەکانى زیانى لە دۆزى گەلى کورد داوە؟

وەلید مەحمود: دوو فاکتەر ڕۆڵى سەرەکییان هەیە لە دروستنەبوونى کیانى کوردى لە ناوچەکەدا، کە فاکتەرى دەرەکى و ناوخۆیین و لە نمونەى دەرەکیەکان ئەوەیە، کە دووژمنانی کورد هەمیشە هەوڵی کپکردنی دۆزى گەلەکەمانیان داوە، هۆکاری دووەم پەرتەوازەییە ناو ماڵی کوردییە، چونکە هەمیشە دووژمنان پەرتەوازەیی و ناکۆکیی کوردییان بەهەل زانیوە و لەو ڕێگایەوە ئەسپی خۆیان تاو داوە، ئەوەش بە مەبەستى دەست خستنە ناوکاروبارى وڵاتەکەمان و هەر ئەوانیش لەو ڕێگەوە نەیانهێشتووە کورد بە ئاوات و ئامانجەکانی خۆى بگات.

-مەترسىی ناکۆکییە ناوخۆییەکان چین لەسەر گەلى کورد؟

“دەرفەتی زێرینی بۆ نەیارانى گەلى کورد ڕەخساندووە”

وەلید مەحمود: ناکۆکیە ناوخۆییەکانى کورد دەرفەتی زێرینی بۆ نەیارانى گەلى کورد ڕەخساندووە وئەوەشى پێویستە لەئێستادا ئەنجام بدرێت ئەوەیە، کە دەبێت بە گفتوگۆ و لێک تێگەیشتن ئەو ناکۆکیانە نەهێڵدرێت، کە ئەوەش بە هێزە سیاسییەکان دەکرێت، چونکە گەلی کورد کێشەی نییە، ئەوە هێزە سیاسییەکانن لەبەر بەرژەوەندیی خۆیان داهاتووی میلـلەتەکەمانیان خستووەتە مەترسیەوە.

– ئەگەر هێز و لایەنە کوردییەکان یەکدەنگ نەبن چى ڕوودەدات؟

وەلید مەحمود: ئەگەر لایەنە کوردییەکان بەشێوەیەکی تەندروست مامەڵە نەکەن، ئەوا ئەوەی هەیەیانە لە دەستی دەدەن لە کاتێکیشدا نوێنەری بەشێک لە وڵاتانى جیهان هۆشداریان لەوبارەوە پێداوین، چونکە هێزه سیاسییەکان و بەتایبەتی دەسەڵاتدارەکان وەک پێویست بەشێوەیەکى تەندروستانە نەیانتوانیوە مامەڵە لەگەڵ دۆزی ڕەوای گەلەکەمان بکەن.

-هەڵوێستی بەغدا و هەرێم لەبارەی داگیرکارییەکانی تورکیاوە چۆن هەڵدەسەنگێنیت؟

وەلید مەحمود: ئەوەی تورکیا بەرامبەر بە کوردستان دەیکات دەستدرێیژییەکى گەورەیە، چونکە زۆر هاتووەتە ناوخاکی هەرێمى کوردستان، پێویستە بەغدا و هەم حکومەتی هەرێم قسەی جدیان لەسەر ئەو هەنگاوە هەبێت، چونکە ناکرێت بێدەنگیی بەرامبەر بەو کارە ناڕەوایانەی تورکیا بەرامبەر ناوچەکەمان هەڵبژێرن.

-دەوڵەتی تورک تەنیا گەریلا نا، بەڵکوهاوڵاتیی مەدەنیی لەناو شارەکاندا دەکاتە ئامانج، قسەی تۆ لەسەر ئەمە چییە؟

وەلید مەحمود: ئەو دوو رووداوەی سنووری ئاغجەلەر، کە هاوڵاتی سڤیلى تێدا شەهید بوون مایەی شەرمە بێدەنگ بین، چونکە ئەو شوێنە سەدان کیلۆمەتر لە سنووری تورکیاوە دوورە و هیچ بیانوویەک نییە بۆ بۆردوومانکردنى ئەو ناوچانە و لە هەمانکاتیشدا ئەوەی لە کامپی مەخمور ڕوویدا جێگای نیگەرانیە، چونکە ئەوانەی لەوێ دەژین ئاوارە و هاوڵاتی مەدەنین و بۆ ئەوەی بە ئازادیی بژین لەو شوێنەدا ماونەتەوە، تورکیای فاشی جیاوازى لەنێوان کورددا ناکات و لای ئەوان گرنگە کورد شەهید بکەن، بەڵام ئەوەى جێگەى سەرسوڕمانە ئەوەیە، کە وڵاتانی جیهان لەو کارە دڕندانەی تورکیا بێدەنگن، لەکاتێکدا پێویستە چیتر ڕێگە بە تورکیا نەدرێت سەروەریی عێراق و هەرێمی کوردستان ببەزێنێت.

-هێرشی دەوڵەتی تورک گەشتووەتە تیرۆری وڵاتپارێزان لە شوێنی کاری خۆیان، ئەم هێرشانە بەبێ هاوکاریی ناوخۆیی ئەنجام دەدرێن؟

وەلید مەحمود: ئەگەر چاوساغیى و هاوکاریی لایەنێکى ناوخۆیی نەبێت، ئەوا تورکیا ناتوانێت بەو شێوەیە بێتە ناو خاکی هەرێمی کوردستان و لە حاڵەتى هاتنیان ئەوا ناتوانن ئامانجەکانیان بپێکێن، بۆیە بێگومان هاوکاریی ناوخۆی دەستی تورکیای بۆ کوردستان ڕاکێشاوە.

-سلێمانی وەک ناوچەیەکی ئارام بۆ وڵاتپارێزان ناسرابوو، بەڵام سێ ساڵە زنجیرەیەک هێرش و تیرۆر لەو سنوورەدا ئەنجام دەدرێن، خوێندنەوەی ئێوە چییە؟

وەلید مەحمود: کەسان و لایەنێک بە مەبەست دەیانەوێت سنووری سلێمانی بشێوێنن، جا ئەوانە زۆرن، چونکە هەندێکیان دووژمنی کوردن و هەندێکیشیان نەیارانى کوردن، کە دەبنە داردەستی نەیارانی گەلەکەمان، چونکە مێژووى ڕووداوەکان پێمان دەڵێن، هێز هەیە بۆ مانەوەی خۆی پەنای بۆ دووژمنان بردووە، هەر بۆیە دەبێت یەکڕیزییمان بەهێز بکەین و چیتر نەهێڵین، دووژمنان لەڕێگای درزەکانەوە بێنە نێوانمان و بازاڕی خۆیان خۆش بکەن.

ئ.م

دواتر

بەرهەمی ئەمساڵی جووتیاران بەشی پێداویستی ناوخۆ ناكات

پێشتر

هێرش کرایە سەر بنکەیەکی سەربازیی ئەمریکا

بابەتی پەیوەندیدار

زاگرۆس هیوا: تا ئێستا هەزار و ٢٠٣ سەربازی تورک کوژراون

زاگرۆس هیوا: تا ئێستا هەزار و ٢٠٣ سەربازی تورک کوژراون

23 حوزه‌یران 2022
هیوا مەحمود عوسمان: چارەسەری کێشەی کورد لە ئیمراڵییە

هیوا مەحمود عوسمان: چارەسەری کێشەی کورد لە ئیمراڵییە

22 حوزه‌یران 2022

سالار باسیرە: داگیرکاریی تورکیا دەکەین بە ڕۆژەڤێکی جیهانیی

خۆبەڕێوەبەریی ڕۆژئاوا: بە هەموو هێزمانەوە ئامادەی بەرگریین

ڕەشاد گەڵاڵی: سەرسەخت دەبین بۆ کەمکردنەوەی جوڵەی وڵاتانی هەرێمایەتی

غازی فەیسەڵ: داعش و هێزی پارتی لە قەرەچوغن و تەقە لەیەکتر ناکەن

پێشتر
هێرش کرایە سەر بنکەیەکی سەربازیی ئەمریکا

هێرش کرایە سەر بنکەیەکی سەربازیی ئەمریکا

زۆرترین خوێندراو

بە ڤیدیۆ.. چالاکییەکی جیاوازی گەریلاکان دژی سوپای تورک

بە ڤیدیۆ.. چالاکییەکی جیاوازی گەریلاکان دژی سوپای تورک

28 حوزه‌یران 2022

گەریلاکانی هەپەگە و یەژاستار سیستمێکی کامێرای چاودێریی سوپای تورکی داگیرکەر تێکدەشکێنن، گەریلاکان لە ساتی ئەنجامدانی چالاکییەکەدا دەڵێت: سوپای تورک ئیرادەی...

گەریلاکان چۆن کاتەکانیان لە تونێلەکانی شەڕ بەسەردەبەن؟

گەریلاکان چۆن کاتەکانیان لە تونێلەکانی شەڕ بەسەردەبەن؟

28 حوزه‌یران 2022

ئەگەرچیی کەم ڕۆژ هەیە نەکەونە شەڕەوە و هیچ کاتێک نییە بەبێ دەنگی فڕۆکە و بۆردوومان تێینەپەڕێنن، بەڵام ئەوان ئەشکەوتەکانیان کردووەتە...

هێرشیکی موشەکی کرایە سەر ناوچەی سەوز لە بەغدا

پێکدادانی توند لە دەروازەی سنووری دەشتان – سەرزێرێ ڕوویدا

28 حوزه‌یران 2022

بەهۆی پێکدادانی سەختی نێوان سوپای تورک و گەریلاکانی هەپەگە لە دەروازەی سنووری دەشتان- سەرزێرێ، دەروازە سنوریەکە داخرا و ژمارەیەک کارمەندی...

ناسنامەی بکوژەکەی هەولێر ئاشکرا بوو

ناسنامەی بکوژەکەی هەولێر ئاشکرا بوو

28 حوزه‌یران 2022

ناسنامەی بکوژی دوو مامۆستاکەی زانکۆی کۆلێژی سەلاحەدین ئاشکرا کرا و دەوترێت، کوڕی بەرپرسێکی پەدەکەیە. ئاسایشی شاری هەولێر، دەستگیرکردنی بکوژی دوو...

 سەدر هێرش دەکاتە سەر بەرهەم ساڵح و سەرۆکایەتی کۆمار وەڵام دەداتەوە

 سەدر هێرش دەکاتە سەر بەرهەم ساڵح و سەرۆکایەتی کۆمار وەڵام دەداتەوە

28 حوزه‌یران 2022

ڕێبەری ڕەوتی سەدر ڕەخنەی توندی لە سەرۆک کۆمار گرت، لەبەرامبەردا سەرۆكایەتی كۆمار وەڵامیدایەوە و لەبارەی ڕەخنەکەی موقتەداوە وەڵامیدایەوە. دوای ئەوەی...

داگیرکەران لەترسی گەریلا بە گوریس خۆراک و کەلوپەل ڕادەکێشن

داگیرکەران لەترسی گەریلا بە گوریس خۆراک و کەلوپەل ڕادەکێشن

27 حوزه‌یران 2022

سەربازانی تورک کە لە ناوچەی 'بەردە کۆن' لە ئەشکەوتی برینداران گیریان خواردووە، لە ترسی گەریلا خۆیان دەشارنەوە. ئەو پێداویستیانە، کە...

  • ئێمە کێین؟
  • پەیوەندیکردن

ماڵپەر | هەموو مافێک بۆ ڕۆژنیوز پارێزراوە

بەردەست نییە
هەموویان پیشان بدە
  • كوردستان
  • ڕۆژهەڵاتی ناوەڕاست
  • جيهان
  • ژن ‌
  • کۆمه‌ڵایه‌تى
  • ئابووری
  • کلتوور و هونه‌ر
  • ژینگه‌
  • چاوپێکه‌وتن
  • دیكه‌
    • وتار
    • چاوپێکەوتن
    • دۆسیە
    • وێنە
    • ڤیدیۆ
  • كۆی بابەتەكان
  • KURDÎ
  • العربية
  • TIRKÎ

ماڵپەر | هەموو مافێک بۆ ڕۆژنیوز پارێزراوە

Hûn dîsa bixêrhatin!

Têketina hesabê

Min paroleya xwe jibîr kir

Paroleya xwe binivîsin.

Please enter your username or email address to reset your password.

Têketin

Lîsteyeke nû veke