بەرپرسی كاروباری نەوتی ئێران لە عێراق ڕایگەیاند، وەزارەتی نەوتی وڵاتەکەمان بڕیاریداوە بە كردنەوەی نوسینگەیەكی تایبەت بە نەوت و گاز لە بەغدا، دەشڵێت، مەبەست لەوکارە بەرزكردنەوەی هاوكارییە دوو قۆڵییەكانی نێوان تاران و بەغدایە لەبواری نەوت و گازدا.
ماڵپەڕى مهری ئێرانى، لە زارى عەباس بەهەشتى، بەرپرسی كاروباری نەوتی ئێران لە عێراق بڵاویكردووەتەوە، وەزارەتی نەوتی وڵاتەکەمان بڕیاریداوە بە كردنەوەی نوسینگەیەكی تایبەت بە نەوت و گاز لە بەغدا.
ئەو بەرپرسیەى ئێران باسیلەوەشکردووە، مەبەست لەوکارەمان بەرزكردنەوەی هاوكارییە دوو قۆڵییەكانی نێوان تاران و بەغدایە لەبواری نەوت و گازدا و لقى ئەو نوسینگە لە شارەکانى هەرێمى کوردستانیش دادەمەزرێن.
جێگای ئاماژەیە، ئەم هەنگاوەی لایەنی ئێرانی لە كاتێكدایە، كە محەمەد شیاع سودانی، سەرۆك وەزیرانی عێراق دوێنێ سەردانی ئێرانی كرد و لەگەڵ سەرۆك كۆماری ئەو وڵاتە و چەند بەرپرسێكی دیکەى ئێران كۆبویەوە.
هـ.ئ
