دکتۆر بەرهەم ساڵح، سەرۆک کۆماری عێراق و فوئاد حسێن، وەزیری دەرەوەی عێراق کۆبوونەوە و باسیان لە پەرەپێدانی پەیوەندییەکانی دەرەوەی عێراق کرد.
ئەمڕۆ دکتۆر بەرهەم ساڵح، سەرۆک کۆماری عێراق، لە کۆشکی سەلام لە بەغدا لەگەڵ فوئاد حسێن، وەزیری دەرەوەی عێراق کۆبوویەوە.
نوسینگەی سەرۆکایەتی کۆماری عێراق، لە ڕاگەیەندراوێکدا لەسەر کۆبوونەوەکە دەڵێت: لە دیدارەکەدا سەرۆک کۆمار جەختی لەپێویستی بەهێزکردنی پێگەی عێراق لە ناوەندە نێودەوڵەتییەکان کردەوە، تاوەکو عێراق ببێتە بەشێک لە ڕەخساندنی کەشێکی لەبار بۆ لێکتێگەیشتن و دیالۆگی بونیادنەر بۆ چەسپاندنی ئاسایش و سەقامگیریی لە نیوان وڵاتانی ناوچەکەدا، ھاوکات دوپاتیشیکردەوە لەگرنگی رۆڵی هاوسەنگ و ئیجابی عێراق لە کاروانی پەیوەندییە دەرەکییەکان، بەجۆرێک ببێتە مایەی بەدیهێنانی ئاشتی و پێشکەوتن لە نێوان گەلان.
د.ع
