حوسییەکانی یەمەن بە مووشەک هێرشیان کردە سەر ویستگەکانی نەوتی ئارامکۆ لە جەددەی سعودیە.
یەحیا سەریع وتەبێژی ئەنساروڵا (حوسییەکان)ی یەمەن، ڕایگەیاند: شەوی ڕابردوو، هێزەکانمان بە مووشەکی جۆری ‘قودس-٢’، ویستەگانی نەوتی ئارامکۆیان لە بەندەری جەددە کردووەتە ئامانج.
سەریع هەروەها هۆشداریی داوەتە کۆمپانیا بیانییەکان لە سعودیە و کارمەندەکانیان، کە لە ویستگە و بنکە گرنگەکانی سعودیە دوور بکەونەوە و هەڕەشەی کردووە، کە هێرشەکانیان بەردەوام دەبێت و ئەو شوێنانە دەکەنە ئامانج.
تا ئێستا کاربەدەستانی سعودیە لەسەر ئەو ڕووداوە، هیچ ڕاگەیەندراو و ڕوونکردنەوەیەکیان نەداوە.
ب.ک
