نوسینگەی سەرۆكی لیژنەی ئاسایش و بەرگریی پەرلەمانی عێراق بڵاویكردەوە، لیژنەی ئاسایش و بەرگری پەرلەمانی عێراق پێشوازیی لە شاندێكی پەرلەمانی هەرێمی كوردستان كرد، هەروەها لیژنەكە ڕاسپاردەی پابەندكەر دەداتە حكومەت بۆ ڕاگرتنی هێرشە بەردەوامەكانی توركیا و ئێران بۆ سەر عێراق.
نوسینگەی ڕاگەیاندنی خالد عوبێدی، سەرۆكی لیژنەی ئاسایش و بەرگریی ئەنجومەنى نوێنەرانى عێراق بڵاویكردەوە، لیژنەکەمان پێشوازیی لە شاندی ئاسایش و ناوخۆی پەرلەمانی هەرێمی كوردستان كرد.
ئاماژەبەوەشکراوە، لیژنەكە ڕاسپاردەی پابەندكەر دەداتە حكومەت بۆ ڕاگرتنی هێرشە بەردەوامەكانی توركیا و ئێران بۆ سەر عێراق.
باسلەوەشکراوە، خالد عوبێدی بە شاندی هەرێمى کوردستانى ڕاگەیاندوە، عێراق دەوڵەتێكی خاوەن سەروەرییە و ڕەتیدەكاتەوە خاكەكەی پێشێل بكرێت یان هێرش بكرێتە سەر گەلەكەی.
هـ.ئ
