دادگای باڵای فیدراڵی بڕیاریدا بە دواخستنی دانیشتنی تایبەت بە پێداچوونەوەی ناردنی ٢٠٠ ملیار دینارەکە لەلایەن بەغداوە بۆ هەرێم بۆ ڕۆژى ١٢ مانگى داهاتوو.
دادگاى باڵای فیدراڵی عێراق لە ڕاگەیەندراوێکدا بڵاویکردەوە، بڕیارماندا بە دواخستنی دانیشتنی دادگاکەمان، کە تایبەتبوو بە پێداچوونەوەی ناردنی بڕى٢٠٠ ملیار دینارەکە لەلایەن بەغداوە بۆ هەرێمى کوردستان بۆ ڕۆژى ١٢ مانگى داهاتوو.
پێشنیوەرۆى ئەمڕۆ دادگای فیدراڵیی عێراق لەسەر سكاڵای پارێزەرێك لەبارەی ناردنی ٢٠٠ ملیار دینارەكەی بەغدا بۆ هەرێم بە مەبەستى بڕیاردان لەبارەى ئەوەى ئایا دەستوورییەن یاخود نادەستورییە.
كۆبوونەوەكە لەسەر سكاڵای پارێزەرێکە بەناوی جەواد كازم عەلوان، کە پێشتر ئەندامی ئەنجومەنی پارێزگای بەسرە بووە و سكاڵای لەدژی مستەفا كازمی، سەرۆک وەزیران و عەلی عەلاوی، وەزیری دارایی عێراق تۆماركردووە و داوای كردووە، دادگای فیدراڵی یەكلای بكاتەوە ناردنی ٢٠٠ ملیار دینارەكە بۆ هەرێم دەستوورییە یاخود نا؟.
لە ساڵی ڕابردووەوە بەغدا بۆ دابینکردنی مووچەی فەرمانبەرانی هەرێمی کوردستان بڕی ٢٠٠ ملیار دینار دەنێرێت بۆ هەولێر، بەڵام دوو مانگە بەغدا ئەو بڕە بودجەیەی ڕاگرتووە.
ئ.م
