بە تۆمەتی سوكایەتییكردن بە دادگای باڵای فیدراڵی و لەسەر سكاڵای نوێنەری یاسایی دادگای فیدراڵی، دادگای لێكۆڵینەوەی كەرخ داوای هۆشیار زێباری ئەندامی مەكتەبی سیاسی پەدەكە دەكات.
دادگای لێكۆڵینەوەی كەرخ فەرمانی بانگهێشتكردنی هۆشیار زێباری بۆ بەردەم دادگا لە ڕۆژی ١٦ی ئایار دەركرد، ئەمە لەسەر بنەمای سكاڵایەك، كە نوێنەری یاسایی دادگای باڵای فیدراڵی تۆماریكردووە لەبارەی سوكایەتییكردنی زێباری بە دادگا.
لەدوای دوورخستنەوەی لە كێبڕكێی پۆستی سەرۆك كۆمار، هۆشیار زێباری، ئەندامی مەكتەبی سیاسی پارتی دیموكراتی كوردستان چەند جارێك ڕەخنەی لە دادگای باڵای فیدراڵی گرتووە‌و بەوە تۆمەتباریكردووە، كە دادگاییەكی بێلایەن نییە.
ساڵی ٢٠١٦ پەرلەمانی عێراق، هۆشیار زێباری، وەزیری دارایی ئەوكاتی عێراقی لە پۆستی وەزارەتی دوورخستەوە، بە تۆمەتی گەندەڵی بە هەدەردانی ساانی گشتی، ئەمەش بوو بە بنەمایەك بۆ ئەوەی لە كێبڕكێی پۆستی سەرۆك كۆمار دووربخرێتەوە.
س.س
