چاودێرێكی سیاسی پێیوایە، دەنگدان بۆ دەستلەكاركێشانەوەی حەلبوسی موزاییەدە و دووبارە جێگیركردنێتی وەك سەرۆكی پەرلەمان و سەرۆكی هاوپەیمانی دەوڵەتی یاسایش دەڵێت: بڕیارەكەی حەلبوسی بۆ مانەویەتی لەپۆستەكەیدا و نیازی ڕۆشتنی نیە.
وابڕیارە ئەمڕۆ دانیشتنی پەرلەمانی عێراق ئەنجامبدرێت، یەكێك لە تەوەرەكانی كۆبونەوەی ئەمڕۆی پەرلەمان دەنگدانە لەسەر دەستلەكاركێشانەوەی محەمەد حەلبوسی لە پۆستی سەرۆكی پەرلەمان.
لەوبارەیەوە، سەجاد جیهاد، شیكەرەوەی سیاسی بەڕۆژنیوزی ڕایگەیاند، ئەم دەنگدانەی پەرلەمان بۆ دەستلەكار كێشانەوەی سەرۆكی پەرلەمان جگە لە موزایەدەیەك و دووبارە جێگركردنەوەی حەلبوسی هیچی دیكە نیە.
جەختیشكردەوە، حەلبوسی نیاز دەستلەكار كێشانەوەی نیە، بەڵكو لەڕێگەی دەنگدانەوە چاوەڕوان دەكرێت هاوبەشەكانی لەپەرلەمان پشتگیری مانەوەی بكەن، كە كۆتایی بەهەموو هەوڵێك دەهێنرێت بۆ لە كارلابردنی لەداهاتودا.
هەروەها وتیشی: ئەمە ڕێگایەكە بۆئەوەی خۆی بسەپێنێت وەك سەركردەی سونەكان، فشار لەسەر لایەنە شیعی و كوردییەكان دروست بكات بۆ خێرا پێكهێنانی حكومەت.
هەر لەسەر ئەو پرسە، جاسم محەمەد، سەرۆكی هاوپەیمانی دەوڵەتی یاسا بە ڕۆژنیوزی ڕاگەیاند، بڕیارەكەی حەلبوسی بڕیارێكی دروستە بەمەبەستی سەقامگیركرن و مانەوەی لەپۆستەكەیدا.
دەشڵێت: حەلبوسی هاوپەیمانی لەگەڵا ئیدارەی دەوڵەت واژووكردوە، ئەمەش پشتڕاستی دەكاتەوە كە نیازی ڕۆشتی نیە.
س.س
