سەرکردەیەکی هاوپه‌یمانی فه‌تح رایگه‌یاند، حه‌شدی شه‌عبی و هێزه‌كانی به‌رخۆدان ئاماده‌ن، دوای وه‌رگرتنی ره‌زامه‌ندی له حكومه‌تی عێراق له ڕووی سه‌ربازییه‌وه وه‌ڵامی ده‌ستدرێژییه‌كانی توركیا بده‌نه‌وه.
عه‌لی فه‌تلاوی، سەرکردەی هاوپەیمانی فەتح لە دیداریکدا لەگەڵ پێگەی مەعلومە ڕایگه‌یاند، دوای خستنه‌ڕووی به‌ڵگه و دۆكیۆمێنته‌كان ده‌ركه‌وت، بۆردوومانه‌كه‌ی دهۆل له‌لایه‌ن توركیاوه ئه‌نجامدراوه، ئه‌نجومه‌نی ئاسایش ناچاره بڕیارێك ده‌ربكات بۆ ده‌ركردنی هێزه‌كانی توركیا له خاكی عێراق.
سەرکردەکەی هاوپەیمانی فەتح وتیشی: تا ئێستا حكومه‌ت بێده‌نگی هه‌ڵبژاردووه، ئه‌گه‌ر ره‌زامه‌ندی بدات هێزه‌كانی حه‌شدی شه‌عبی و هێزه‌كانی به‌رخۆدان ده‌توانن له‌ڕووی سه‌ربازیه‌وه وه‌ڵامی توندی توركیا بده‌نه‌وه.
ئاماژەی بەوەکرد هێرشە داگیرکاریەکانی دەوڵەتی تورک تا ئێستاش بەردەوامن لە بارەی بڕیایر ئەنجومەنی ئاسایشی نێودەوڵەتی وتی: بڕیاره‌كانی ئه‌نجومه‌نی ئاسایشی نه‌ته‌وه‌یه‌كگرتوه‌كان له‌سه‌ر ئاستی ئه‌و تاوانه به‌گوێره‌ی قه‌باره‌ی تاوانه‌كه نەبوو.
ڕوونیکردەوە: چاوه‌ڕوانی دانیشتنی داهاتووی ئەنجومەنەی ئاسایشی نێوده‌وڵه‌تی و ئه‌نجامه‌كانی ده‌كه‌ین دوای ته‌واوبوونی لێكۆڵینه‌وه‌كانی ئه‌و لیژنه سه‌ربه‌خۆیه‌ی له‌لایه‌ن ئه‌نجومه‌نه‌وه نێردراوه، له‌كاتێكدا ئامانجی ئه‌و لیژنه‌یه سه‌ركۆنه‌كردنی توركیا و ده‌ركردنی بڕیارێكی دیپلۆماسی نێوده‌وڵه‌تیه بۆ هێزه‌كانی توركیا له عێراق ده‌ربچن.
دوای کۆمەڵکوژیەکەی دەوڵەتی تورک لە زاخۆ کە لە ٢٠ی تەمموز ئەنجامیدا بە هۆیەوە کاردانەوەی نیودەوڵيتی و عێراقی لێکەوتەوە و عیراق سکاڵای بردە ئەنجومەنی ئاسایشی نیودەوڵەتی.
لە ڕۆژی ٢٧ی تەمموز ئەنجومەنی ئاسایش لە تەوەریکی کۆبونەوەکەیدا گفتوگۆی ئەو کۆمەڵکوژیەیە کرد و داوایکرد لێکۆڵینەوەیەکی سەربەخۆیانە لەو کۆمەڵکوژیە ئەنجام بدرێت.
هەر لە کۆبونەوەکەدا نزیکەی دەوڵات ئیدانەی کۆمەڵکوژیەکەیان کرد، بە هۆی تێکچوونی دۆخی ناوخۆی عیراقەوە دۆسیەیە داگیرکاریەکانی دەوڵەتی تورک لەلایەن میدیا و لایەنە سیاسیەکانەوە فەرامۆشکرا.
ها-غ
