فراکسیۆنی یەنەکە لە پەرلەمانی عێراق داوای لە حکومەتی عێراق کرد، هەڵوێستێکی ڕوون وبوێر ڕابگەینێت و سەرجەم شێواز ورێکارەکان لە نێوانیاندا رێکارە دبلوماسییەکان بگرێتەبەر دژی دەوڵەتی تورک بگرنەبەر.
فڕاکسیۆنی یەکێتی نیشتیمانی کوردستان لە ئەنجومەنی نوێنەرانی عێراق، لەبارەی بۆردوومانەکانی دەوڵەتی تورک ڕاگەیەندراوێکی بڵاوکردەوە و تیایدا دەڵێت: ئیدانە و رسوای دەکەین.
فڕاکسیۆنی یەنەکە وتوشیەتی “کردوە ودەستدرێژیە بەردەوامەکانی دەوڵەتی تورک پێشێلکردنێکی زەقە بۆ سەر سەروەری خاکی عیراق وپرەنسیپەکانی هاوسێیەتی باش و سەرجەم نەریت وپەیمانە نێودەوڵەتیەکانە”.
ئەمرۆ سوپای تورکی داگیرکەر بە فڕۆکەی بێفڕۆکەوان بۆردوومانی هەریەکە لە شارۆچکەی مەخموور و شارەدیی ئاغجەلەر لە شارۆچکەی چەمچەماڵ کرد و بە هۆیەوە ژمارەیەک شەهید و برینداری لێکەوتەوە.
لە ڕاگەیەندراوەکەدا ئاماژە بەوەشکراوە “ئەم دەستدرێژیە قێزەوەنە ئیدانە و مەحکوم دەکەین، بەڵکو بە کارێکی قێزەوەن وڕەتکراو لە قەڵەمی دەدەین بەهۆی ئەو زیانەی کە بەگیان و مۆڵکی گشیدا گەیاندوە “.
داوای لە حکومەتی عێراق کردووە “هەڵوێستێکی ڕوون وبوێر ڕابگەینێت و سەرجەم شێواز ورێکارەکان لە نێوانیاندا رێکارە دبلوماسییەکان بگرێتەبەر بۆ دانانی سنورێک بۆ ئەم تاوان و پێشێلکاریە زەقانە لە پێناو پاڕاستنی سەروەری خاکی عێراق و گیان و موڵکی گەلەکەی”.
ها-غ
