بە هۆی هێرشێکی چەتەکانەوە دوای ئەوەی پاسەکەیان کرایە ئامانج و بە موشەک هێرشیان کردە سەریان، ١٠سەربازی سوریا کوژران و ٩سەربازیش برینداربوون.
ئاژانسی سانای سەر بە حکومەتی سوریا لە زاری وەزارەتی بەرگری وڵاتەکەی ڕایگەیاند، دوای ئەوەی پاسەکەیان کرایە ئامانجی موشەکی دژەتانک لە شارۆچکەی حەلەب، ١٠ سەرباز کوژراون و ٩ سەربازیش برینداربوون.
بە گوێرەی زانیاریەکانی ئاژانسەکە کە لە سەرچاوەیەکی سەربازی وەرگرتتووە کاتژمێر ٩:٣٠ خولەکی بەیانی ئەمرۆ، چەتەکان لە ناوچەی عنجارەی ریفی حەلەب پاسێکی سەربازیان کردە ئامانج بە مووشەکی دژە تانک هێرشەکەیان ئەنجامدا.
لە راگەیەندراوەکەیدا، وەزارەتی بەرگری سوریا ناوی ئەو گروپەی چەتەکانی دیاری نەکردووە کە هێرسەکەیان ئەنجامداوە، بەڵام گروپە چەتەکانی سوریا سەرجەمیان پەیوەندی ڕاستەوخۆیان لەگەڵ دەوڵەتی تورکدا هەیە.
ها-غ
