هەدەپە لە دوای بڕیاری دادگای دەستوری هەڵمەتێکی دژی ‘بلۆککردن’ی هاژمارە بانکیەکانی دەستپیکردوە بە دروشمی “گەل گەنجینەی ئێمەیە” کەپینەکە رادەگەیەنێت.
دوای ئەوەی پارتی دیموکراتی گەلان (هەدەپە) بە بڕیاری دادگای دەستووری هەژمارە بانکیەکەنای بلۆککرا، هەڵمەتیکی کۆکردنەوەی هاوکاری دەستپێکردوە و پەرلەمانتاران و هاوسەرۆکانی پارتەکەش دەستیان بە بەخشینی هاوکاری کرد.
دروشمی کەمپینەکە “گەل گەنجینەی ئێمەیە” و ئاشکرایکردووە داوا لە کریکاران و هاوكڵاتیان و سەرمایەداران لە ناوخۆ و دەرەوەی وڵات دەکەن پستیوانیان بکەن بۆ ئەوەی بەبی هاوکاری گەنجینە هەڵمەتی هەڵبژاردن ئەنجام بدەن.
هەر بۆ ئەو مەبەستە پەروین بوڵدان، میتحات سانجار هاوسەرۆکانی هەدەپە و پەرلەمانتارانی پارتەکە یەکەم پاڵپشتیان لە کەمپینەکە کردوە و سبەینی ئەبرو گۆنای بە فەرمی دەستپیکردنی کەمپینەکە ڕادەگەیەنێت.
رۆژی ١٠ی ئەم مانگە دادگای دەستوری لە دریژەی گوشارەکانی هەدەپە بڕیاریدا هەژمارە بانکیەکانی هەدەپە لە گەنجینەی وڵاتەکەدا بلۆک بکات و بەوەش ئەو هاوکاریەی هەدەپە لە حکومەتی وەردەگرت سەرجەمیان ڕاگیران.
ها-ع
