دەزگای هەواڵگریی عێراق كوژرانی والی ئەنباری چەتەكانی داعش و سێ چەتەی دیکە لە بیابانەكانی پارێزگاكەدا ڕاگەیاند.
لە بەیاننامەیەكدا دەزگای هەواڵگریی عێراق بڵاویكردەوە، سەربازانی دەزگای هەواڵگریی بۆسەیان بۆ ئەبو مەنسور والیی چەتەكانی داعش لە پارێزگای ئەنبار و سێ چەتەی هاوڕێی دانا، دوای ئەوەی بە هەماهەنگی لەگەڵ فەرماندەیی ئۆپەراسیۆنە هاوبەشەكان چاودێرییان كرا و گورزێكیان لێدرا و كوژران.
ئاشكراشیكردووە، ئەو چەتانە لە ڕێگەی نێودەوڵەتیی ناوچەی روتبەی پارێزگای ئەنبارهاوڵاتیانیان دەكردە ئامانج و هەروەها لە پۆستێكی هەبووە و لە نێوان عێراق و سوریادا هاتووچۆی كردووە.
ئاماژەبەوەشكراوە، بەم دەستكەوتە گەورەیەی دەزگای هەواڵگریی، چەتەكانی داعش یەكێك لە سەركردە تاوانبارە گرنگەكانیان لە دەستداو.
س.س
