وەزارەتی کۆچ و کۆچبەرانی عێراق ڕایگەیاند، لە چەند ڕۆژی داهاتوودا بودجەی بەپەلە بۆ ئاوارەکان خەرج دەکرێت، پلانی داخستنی کەمپەکان و گەڕانەوەی خۆویستانەی ئاوارەکانیش لە موسڵ و ئەنبار لە مانگی داهاتوودا دەستپێدەکات.
عەلی عەباس جەهاکیر بەڕێوەبەری گشتی لە وەزارەتی کۆچ بە کەناڵی عێراقیەی ڕاگەیاندووە، دۆسیەی کامپی ئاوارەکانی پارێزگای کەرکوک و دیالەو سەلاحەدین کۆتاییهاتووە و لە مانگی داهاتوشەوە دەست بە پلانی داخستن و گەڕانەوەی سەرپشکانەی ئاوارەکانی موسڵ و ئەنبار دەکرێت.
بەوتەی جاهاکیر، نزیکەی شەش هەزار خێزانی ئاوارە لە پارێزگای ئەنبار و نەینەوا هەیە، هەروەها ٢٦ کامپیش لە پارێزگاکانی هەرێمدا ماون کە ٣٧ هەزار ئاوارەیان تێدا دەژی.
ی. ک
