وەزارەتی پلاندانانی عێراق ڕایدەگەیەنێت: ژمارەی دانیشتوانی عێراق لە ساڵی ٢٠٢٠ دا، ٤٠ ملیۆن كەسی تێپەڕاند.
پێشتر وەزارەتی پلاندانی عێراق بڵاوی كردەوە، لە گەورەترین ئاستەنگەكانی كە تووشی وڵات دەبن لە داهاتوویەكی نزیكدا، زیادبوونی ژمارەی دانیشتوانە بەبێ هیچ پلان و سیاسەتێكی ڕوون لەبارەی ئەو دۆخەوە كە بەپێی پێشبینییەكانیان، ژمارەی دانیشتوانی عێراق تا ساڵی ٢٠٣٠ ، دەگاتە ٥٣ ملیۆن و ٢٧٩ هەزار كەس.
ئەمڕۆ وەزارەتی پلاندانانی عێراق لە بەیاننامەیەكدا بڵاوی كردەوە، ژمارەی دانیشتوانی وڵات، گەیشتوەتە زیاتر لە ٤٠ ملیۆن و ١٥٠ هەزار كەس.
بەپێی بەیاننامەكەی وەزارەتی پلاندانان، ڕێژەی نێر و مێ لە یەكەوە نزیكن لە عێراق و هەروەك ئاماژەی بەوەش كردوە، بۆ ئامارەكە پشتیان بە ئامارەكانی دەزگای ناوەندیی ئامار بەستوە و زیادبوونی ڕێژەی دانیشتوانیش بەپێی ستاندارە نێودەوڵەتییەكان و بە ڕێژەی ٢.٦ % بوە.
ئـ ت
