لە کۆبوونەوەی دەستەی سەرۆکایەتیی پەرلەمان و سەرۆکی فراکسیۆنەکاندا، بڕیاردرا گەشتکردن لە وەزیری دارایی عێراق قەدەغە بکرێت.
ئەمڕۆ دانیشتنى حاکم زاملى جێگرى یەکەمى سەرۆکى ئەنجومەنى نوێنەرانى عێراق لەگەڵ سەرۆکى فراکسیۆنەکان بە ئامادەبوونى پارێزگارى بانکى ناوەندى عێراق لەبارەى نرخى دۆلارى ئەمریکى بەرامبەر دینارى عێراق بەڕێوەچوو.
بە دەنگى سەرجەم بەشداربوانى کۆبوونەوەکە بڕیاردراوە، کە گەشتکردنى دەرەوەى وڵات لە عەلى عەلاق وەزیرى دارایى عێراق قەدەغە بکرێت تا ئەو کاتەى دێتە بەردەم ئەنجومەنى نوێنەرانى عێراق بە مەبەستى لێپرسینەوە.
ئەمە لەکاتێکدایە، ئه‌نجومه‌نى نوێنه‌رانى عێراق لە نووسراوێکدا به‌فه‌رمىی بانگهێشتنامه‌ى ئاڕاسته‌ى وه‌زیرى دارایی عێراق كرد و داواى کرد ئامادەی کۆبوونەوەکە بێت، بەڵام عەلى عەلاق وەزیری دارایی عێراق ڕەتیکردەوە بەشداریی ئەو کۆبوونەوەیە بکات و ڕایگەیاند، لەسەر تویتی سەرکردە سیاسییەکان، ناکرێت ئەو بانگهێشت بکرێت بۆ لێپرسینەوە، چانکە بانگهێشتکردنی، دوای تویتێکی سەدر هات، کە دوێنی باسی لە ناجێگریی و شێوانی بازاڕ کردبوو، بەهۆی گرانکردنی نرخی دۆلار لەبەرامبەر دیناری عێراقیی.
ئ.م
