ڕۆژەفى ٩/١١/٢٠١٨

* وەرزی سەرما و باران دەستیپێكردووە و ئاواره‌كانی كا‌مپی تازه‌دێ-ش نە خۆراکی پێویستییان هەیە، نە جلوبەرگی زستانە و سوتەمەنیی، منداڵەکانیشیان پێڵاویان نییە و بەپێی خاوس دەگەڕێن، ڕۆژنیوز لە ڕاپۆرتێکى ڤیدیۆیدا خەمى ئاوارەکانى دانیشتووى کامپى تازەدێ دەخاتە ڕوو.


* لایەنە سیاسییەكانی شارۆچكەی سۆران دژی بەردەوامیی داگیركاریی و جموجوڵەكانی سوپای دەوڵەتی توركن لە خاكی باشوری كوردستان، چاودێرانیش داوای هەڵوێستی کرداریی دەكەن، ڕاپۆرتێکى ڤیدیۆیى ڕؤژنیوز لەو بارەیەوە.

* سەعید ساعدی، ئەندامی کەنەکە، پێیوایە ئامانجی ئەمریکا لە گەمارۆکانی سەر ئێران ئەوەیە کە بە دروستکردنی فشار، گەلان بکەونە جوڵە و خۆپیشاندان بکەن، بەوکارەش دەیەوێت بگەن بە بژاردەی گۆڕینی ڕژێم، ئاشکراشیکرد کە لەکۆنگرەی کەنەکە داواکرا ڕۆژهەڵاتی کوردستان خۆی بۆ گۆڕانکارییەکی جدی لەناوچەکە ئامادەبکات، لە چاوپێکەوتنێکى ڕۆژنیوزدا ناوبراو لەسەر پرسى دیکەى گرێدرا و بە گەمارۆکانى سەر ئێران دەخاتە ڕوو.

* پارتی دیموکراتی کوردستان- عێراق، دەیەوێت مەحما خەلیل قائیمقامی پێشووی شەنگال و ئەندامانی پێشووی ئەنجومەنی بەڕێوەبردنی شارۆچكەكە بگەڕێنێتەوە بۆ شەنگال و دووبارە دەستبەكاربنەوە، بەڵام پێكهاتەكانی شەنگال دژی ئەو هەنگاوەن و دەڵێن، ناكرێت خەڵكانێك لەماوەی چوار ساڵی ڕابردوودا دووجار شەنگالییەكانیان بەتەنها بەجێهێشتووە، دووبارە بەرپرسیارێتی لە شەنگال وەربگرنەوە، داواشدەكەن شەنگالییەكان خۆیان خەڵكانێك هەڵبژێرن بۆ بەڕێوەبردنی شارۆچكەكە، بۆ ئەو مەبەستە، ئەمڕۆ خۆپیشاندانێکى گەورە بە بەشدارى پکهاتەکانى شەنگال بەڕێوەدەچێت لە بەردەم بەڕێوبەرایەتى کۆمەڵگاى سنونێ، کە لەلایەن كۆمیتەی یەكێتیی شەنگال و ئەنجومەنی خۆبەڕێوەبەری دیموكراتیی شەنگال ڕیێكدەخرێت. کاتژمێر ٩:٠٠.

ژنانى گەنجى تێکۆشەر، دوومەمین کۆنفرانسى خۆیان لە هۆڵى هۆتێل مەم و زین لە شارى سلێمانى سازدەکەن، بە دروشمى ' بەتێکۆشانى ژنانى گەنج داگیرکارى لەناو دەبەین' کە تێید بڕیار وایە زیاتر لە ٢٠٠ ئەندام و لایەنگرى ڕێکخراوى ژنانى گەنج تێیدا بەشداربن. کاتژمێر ٩:٠٠ بە ڤیدیۆ.

* پێكهاتەكانی كەركوك داوای چارەسەری كێشە سەرەكییەكانی شارەكەیان دەكەن، دەڵێن گرفتی ئەمنی و ئیداری و سیاسی لە سەرەكییترین گرفتەكانیانن، بەرپرسێكی یەكێتیش ڕایدەگەێنێت، قوڵیی كێشەكان و نەگەڕانەوەی پارتی بۆ كەركوك، چارەسەری كێشەكانی دواخستووە، پێكهاتەكانی كەركوك داوای چارەسەری كێشە سەرەكییەكانی شارەكەیان دەكەن، دەڵێن گرفتی ئەمنی و ئیداری و سیاسی لە سەرەكییترین گرفتەكانیانن، بەرپرسێكی یەكێتیش ڕایدەگەێنێت، قوڵیی كێشەكان و نەگەڕانەوەی پارتی بۆ كەركوك، چارەسەری كێشەكانی دواخستووە.ڕاپۆرتێکى ڤیدیۆیى ڕۆژنیوز لەو بارەیەوە.

د.ع