ڕۆژەڤى ٣-١١- ٢٠١٨

*لەهۆڵى مۆزەخانەى هونەرى هاوچەرخى سلێمانى، پێشەنگایەکى هونەرى لەژێر ناونیشانى 'گەشتى ڕەوان' دەکرێتەوە، کە ئەزمونى ٢٠ ساڵى هونەرى عەدالەت ڕەزا-ى تێدا نمایش دەکرێت. کاتژمێر ٤:٠٠.. بەڤیدیۆ


*سەنتەری ئاڵا لە درێژی کاروچالاکیەکانیدا به هاوكاری فیلم هاوس، لە هۆڵى سەنتەرى ئاڵا، لەشارى هەولێر هەڵدەستێت بە نمایشكردنی هەفتە فیلم چوارەم نمایش پێکدێت لە سێ کورتەفیلم.

۱ـ میلۆدی نایت (دەرهێنانی کیهان ئەنوەر)

۲ـ ئایلان (دەرهێنانی جوبرائیل ئەبوبەکر)

۳ـ باوك (محمد رەزا)

لەلایەن سینەماکار (عدنان عوسمان ) خوێندنەوە بۆ فیلمەکان دەکرێت. کاتژمێر ٤:٠٠ى ئێوارە.

*لەبەردەم پەرلەمانى هەرێمى کوردستان، لە شارى هەولێر، سەبارەت بە خانەنشین کردنی پەرلەمنتار و وەرگرتنی 48 ملیۆن دینار ، گردبوونەوەیەک رێکدەخرێت، لەلایەن تۆڕى هەماهەنگى ڕێکخراوەکانەوە. کاتژمێر ١١:٠٠.

*ناوەندى کلتورى چۆمان، کۆڕێکى شیعر خوێندنەوە، بۆ شاعیر، تەلعەت تاهیر، ئەنجام دەدات، لە بیناى ناوەندى کلتورى شارۆچکەى چۆمان. کاتژمێر ٢:٠٠ى پاش نیوەڕۆ.

*گه‌رمیانییه‌كان، ڕۆژی جیهانیی كۆبانێ و به‌رخۆدان و قوربانیدانی شه‌ڕڤانان له ‌دژی چه‌ته‌كانی داعش و دەوڵەتی تورك به‌رزده‌نرخێنن، به‌ پێویستیشی ده‌زانن له ‌باشوری كوردستان هاوشێوەی كۆبانێ بەرخۆدان دژ به ‌داگیركاریی تورك ئه‌نجام بدرێت، دەشڵێن: پێویستە بەرخۆدانی كۆبانێ،‌ بكرێته‌ وانه‌یه‌ك و له‌كوڵێژه‌ سه‌ربازییه‌كان بخوێندرێت، هەستى گەرمییانییەکان بۆ کۆبانێ لە ڕاپۆرتێکى ڕۆژنیوزدا، بە ڤیدیۆ.

*وەرزی سەرما و بەفر و بارانبارین لە دەڤەری سۆرانی پارێزگای هەولێر دەستیپێكردووە، بەڵام  تائێستا بەشەنەوتی هاوڵاتیان لە ناوچە شاخاوییەكانی سۆران و ڕەواندوز دابەشنەكراوە، چالاكوان و ڕێكخراوەكانی سۆرانیش یاداشتێك ئاراستەی لایەنە پەیوەندیدارەكان دەكەن بۆ دابەشكردنی نەوت، ڕۆژنیوز سەبارەت بە هەوڵى چالاکوانان و وەڵامى بەرپرسان بۆ دابەشکردنى نەوت، ڕاپۆرتێکى ڤیدیۆیى ئامادەکردووە.

*چین و توێژەکانی شاری سلێمانی، پێکهێنانی کۆنگرەی نەتەوەیی لەم کاتەدا بە پێویستییەک بۆ گەلی کورد دەزانن و دەڵێن، کە کورد بە یەکگرتن گرەو دەباتەوە، هونەرمەندێکیش دەڵێت: کورد لەم قۆناغەدا باجی یەکنەبوون دەدات، ڕاپۆرتێکى ڤیدیۆیى ڕۆژنیوز لەوبارەیەوە.
* پەروەردەناسێک ڕەخنە لە هەوڵی حكومەتی هەرێم دەگرێت بۆ سوودوەرگرتن لە ئەزموونی پەروەردەی توركیا و دەڵێت، سیستمی پەروەردەی تورکی لەسەر جیاکاری و نەژادپەرستی دەڕوات و بۆخۆی سیستمێکی وەرگیراوە، ئەم هەوڵەش گرێدراوی پرسی سیاسییە، بابەتێکى ڕۆژنیوز لەوبارەیەوە، بەڤیدیۆ.