ڕۆژەڤی ١٠/٩/٢٠١٩

-زنجیرە سەردان و کۆبوونەوەکانی شاندی هەدەپە و کەجەدە بەردەوامیان دەبێت، کاتژمێر، ١٠:٣٠ خولەک لەگەڵ مەکتەبی سیاسی یەکێتی نیشتمانی کوردستان، کاتژمێر، ٠٢:٠٠لەگەڵ ڕێکخەری گشتی بزووتنەوەی گۆڕان، کاتژمێر٠٣:٣٠ لەگەڵ شاسوار عەبدولواحید سەرۆکی جوڵانەوەی نەوەی نوێ کۆ دەبنەوە...بەڤیدیۆ


-ئەمڕۆ کەمپەینێک لەژێر ناوی''بەڵێ بۆ خوێندنی زمانی کوردی'' لەشاری کەرکوک ڕادەگەیەنرێت، شوێن،سەنتەری ڕۆشنبیریی کەرکوک، کات، ٠٤:٠٠ی دوانیوەڕۆ...بەڤیدیۆ

-ڕێکخراوی ڕاگەیاندن و ڕوناکبیریی ژنان لەڕۆژی جیهانی نەهێشتنی خۆکوژیدا سمینارێک ڕێکدەخات، شوێن، کارێزەوشک ڕێکخراوی ڕاگەیاندن و  ڕوناکبیری ژنان، کاتژمێر،١٠:٠٠ی بەیانی..بەڤیدیۆ

-لەڕۆژی جیهانی بەرەنگاربوونەوەی خۆکوشتن، چالاکیەکی هۆشیاری دژی خۆکوشتن لەبەردەم باخی گشتی لەشاری سلێمانی بەڕێوەدەچێت، کاتژمێر،٠٤:٠٠ی ئێوارە..بەڤیدیۆ

-مەراسیمی عاشورا لە سلێمانی و خانەقین بەڕێوەدەچێت..بەڤیدیۆ

-ئەمڕۆ دووەمین کۆنگرەی تاژێ دەست پێدەکات..بەڤیدیۆ

-چالاکیی دایکانی کامپی مەخمور دژی گەمارۆی سەر کامپەکە بەردەوامە..بەڤیدیۆ

- ڕۆژنامەنووسانی شاری سلێمانی لەسەر دەستگیرکردنی پەیامنێرەکانی ڕۆژنیوز لە سنووری پارێزگای هەولێر، ئاماژە بەوە دەکەن، کە بەسزا نەگەیاندنی تاوانبارانی تیرۆرکردنی ڕۆژنامەنووسان وایکردووە پێشێلکارییەکان بەردەوامییان هەبێت..بەڤیدیۆ

- هێنانی ٢٢٠ خێزانی داعش لە موسڵەوە بۆ كەركوك و جێگیرکردنیان لەو شارە کاردانەوەی لێدەکەوێتەوە، لەو ڕوەوە سەرۆكی لیژنەی ئەمنی لە ئەنجوومەنی پارێزگای كەركوك، ڕەخنە لە پارێزگار دەگرێت و دەڵێت: دەبوو ڕێگە بەهێنانی ئەو خێزانانە بۆ کەرکوک نەدرایە یان بەر لەوەی ئەو کەسانە کە هەڵگری بیری داعشن تێکەڵ بە کۆمەڵگا بکرێن خولی ڕاهێنانیان بۆ بکرایەتەوە..بەڤیدیۆ

- ڕۆشنبیرانی گەرمیان ئاماژە بەوە دەکەن، کە دەوڵەتی تورک جیاواز لە هەوڵی داگیرکاری زەمینی و سەربازی، لە ڕووی پەروەردەیی و کلتوری و هونەری و بازرگانیشەوە هەرێمی کوردستانیان داگیرکردووە، دەشڵێن: بۆ تێکشکاندنی داگیرکاری پێویستە هێز و کلتور و پەروەردە و هونەر و پەیوەندییە نەتەوەییەکانمان بەهێزبکەین..بەڤیدیۆ

- هاتنی گەشتیار بۆ ناوچە گەشتیارییەکانی سنووری سۆران زیادی کردووە و لەمساڵدا زیاتر لە ٧٠٠ هەزار گەشتیار هاتوونەتە سنووری سۆران، ئەوەش بە وتەی بەڕێوبەری گەشتیاریی سۆران بە بەراورد بە ساڵی ڕابردوو ٢٥٪ زیادی کردووە.