ڕۆژەڤی ١١/٧/٢٠١٩

- كاتژمێر 11:00 پەرلەمانی هەرێمی كوردستان كۆدەبێتەوە بۆ چەند مەبەستێك كە ئەمانەن ( جێگرتنەوەی چەند ئەندام پەرلەمانێك لەشوێنی ئەو پەرلەمانتارانەی بوونەتە وەزیر، دیارییكردنی سەرۆكی نوێی پەرلەمان، خوێندنەوەی یەكەمی پێشنیاری بڕیاری دیاری كردنی ڕۆژی 3-8-2014 وەك ڕۆژی كۆمەڵكوژیی ئێزدییەکان)..بەڤیدیۆ


- كاتژمێر 09:00 ی سەرلەبەیانی پێشەنگایەك لە كێڵگە كشتوكاڵیەكەی ئازاد محەمەد دەكرێتەوە كە زیاتر لە 20جۆر بەرو بوم نمایش دەكرێت..بەڤیدیۆ

- ماڵی گەنجانی كەلار ئێوارە كۆڕێك بەناونیشانی (كاریگەری شیعر و نووسین لەسەر ئەندێشە و نەست ) بۆ خانمە ڕوناكبیر ماردین ئەبوبەكر ڕێك دەخات لە كتێبخانەی ماڵی گەنجان ئەمڕۆ كاتژمێر 05:00 ی ئێوارە..بەڤیدیۆ

- هاوڵاتیانی شارەدێی ڕزگاریی، سەر بە ئیدارەی گەرمیان، پێیانوایە، بە دروستبوونی یەكێتی نەتەوەیی كورد، دەتوانرێت ڕێگیری لەداگیركاری توركیا بۆ سەرخاكی باشوور بكرێت، هەروەها داوا دەكەن حزب و لایەنە سیاسیەكان واز لە بەرژەوەندییەكانیان بێنن و ئەو یەكێتییە دروست بكەن.

- ساوەر و دۆینە، ئەو دوو خواردنە كوردەوارییەی، كە بە ڕەنجی ژنان وەبەردێت و هیچ خورادنێكی نوێ ناتوانێت شوێنیان بگرێتەوە..بە وێنە و ڤیدیۆ

- هاوڵاتیانی گەرمیان باس لە خەباتی شەهید دیار غەریب دەكەن و ئاماژە بە ڕۆڵی ئەو سەركردەیە بۆ یەكێتیی نەتەوەیی وبەڕێكخستنكردنی كۆمەڵگا دەكەن، بۆیە دەڵێن:"تاكە وەڵام بۆ دەوڵەتی تورك و داگیركەران بەستنی یەكێتی نەتەوەییە".. بەڤیدیۆ

- چاودێرێكی سیاسیی باس لە ڕۆڵی گەریلا لە باشوری كوردستان دەكات، وەك خۆی دەڵێت، لە كاتی هێرشی چەتەكانی داعشدا لە سنووری مەخمور بووە و شاهیدی ئەوە دەدات "شەڕ لەشاری هەولێر نزیك بووبووەوە، تەنها گەریلا و ئەو بەشە بچوكەی خەڵكی خۆبەخش مابوون"، هەروەها داوا دەكات، كە گەریلا بەردەوامیی بدات بە پاراستنی باشوری كورستان...بەڤیدیۆ