ڕۆژەڤی ١٨-٥-٢٠٢٠

ڕێکخراوی هەڵوێست لە شاری هەڵەبجە ڕاپۆرتی بەدواداچوونی کارەکانی دیوانی پارێزگای هەڵەبجە بڵاودەکاتەوە، کاتژمێر ٩:٠٠ ی شەو..بەڤیدیۆ


-وەرزی دروستکردنی قەرەخەرمانە، ئەو خواردنە کوردەوارییەی کە ڕۆژگارێک خوانی هەژاران و ئێستاش خوا پێداوەکانە، دروستكردنی قەرەخەرمان، ئەگەرچی ڕەنجێکی زۆری جوتیارانی دەوێت، بەڵام بەرهەمەکەی کەمە...بەڤیدیۆ

-ماوەی دوو مانگه‌ به‌ڕێو‌به‌ری شاره‌دێی گوڵاڵه‌ "جەلەولا" کە بە نەتەوەی عەرەبە و لە پشکی کوردە، لەگەڵ فه‌رمانبه‌ره‌كانیدا کە به‌هۆی ڕێگری خۆپیشانده‌رانه‌وه‌ نه‌چووبوونەوە سه‌ر كارەکانیان، ئێستاش ڕێگه‌ نادرێت ده‌وام بكه‌ن، دەوترێت بەشێکی عەشیرەتی کەرەوییەکان لەپشت ڕێگرییەکانەوەن، کۆی ئاڵۆزییەکان وایکردووە، زۆرینەی کوردانی سنوورەکە نەگەڕێنەوە زێدەکەیان...بەڤیدیۆ

-لە هەرێمی کوردستان ساڵانە نزیکەی ٣٠ هەزار خوێندکار خوێندن تەواو دەکەن، بەشێک لەو گەنجانە تا ئێستا بێکارن و حکومەتیش وەک تاوانباری سەرەکی دەبینن، بەشێک لە دەرچووانیش دەڵێن: لە هەرێمی کوردستان ناکرێت چاوەڕوانی دامەزراندن بکەین، دەبێت پشتبەخۆمان ببەستین و چاوەڕێی حکومەت نەکەین...بەڤیدیۆ

-هاوڵاتیانی گەرمیان پێیانوایه‌، ئێستا کاتی دەرکردنی سوپای تورکە لە باشوری کوردستان، داوادەکەن هێزه‌ سیاسیه‌كانی باشوری كوردستان پێكه‌وه‌ كار بۆ ده‌كردنی سوپای تورك بكه‌ن و هه‌رێم له‌ داگیركاریی پاك بكه‌وه، دەڵێن:‌ مانه‌وه‌ی ئه‌و سوپایه‌ جگه‌ له‌ زیان هیچ سودێكی نییه‌...بەڤیدیۆ