ڕۆژەڤی ١٩/٦/٢٠١٩

-كۆنفرانسی تایبەت بەبۆنەی ڕۆژی جیهانیی نەهێشتنی توندوتیژیی جنسیی لەكاتی ململانییەكاندا لەژێر دروشمی نێودەوڵەتی "گرنگی ئاڕاستەكانی بایەخدان بە ڕزگاربووان" و دروشمی نیشتمانی "كچان و ژنانی ڕفێنراو و ڕزگاربوو لە پێشنیەی ئەركەكانماندایە، دەستدرێژیی جنسیی لەكاتی جەنگدا ڕاگرن" #EndRapeInWar ،بەڕێوەدەچێت، لە هۆڵی سەعد عەبدوڵا لە شاری هەولێر، کاتژمێر ٩:٣٠ خولەک، بەڤیدیۆ


-ڕێكخراوی نێودەوڵەتی بۆكۆچ یەكەی جێگیری كۆمەڵایەتی فیستیفاڵی  ژینگەی جیهانی لە بینای شارەوانی لەگەڕەكی شۆریجە بەڕێوەدەبات، کاتژمێر ٩:٣٠ خولەک، بەڤیدیۆ

-شاندی ڕۆژئاوا و باکوری سوریا سەردانی حزبەکانی ڕۆژهەڵاتی کوردستان لە زڕگوێز و پێنجوێن دەکەن... بەڤیدییۆ

-لە ڕۆژانی كۆتایی وەرزی بەهار و سەرەتای وەرزی هاوین-داین، بەڵام هێشتا لە قەندیل سەرەتای وەرزی بەهارە و شاخ، بەفر، كانیاو، گوڵ و دەنگی بولبول، سروشتێكی ناوازەی بە ناوچەكە بەخشیوە..بە وێنە و ڤیدیۆ

-بە تەنها لە سنووری پارێزگای سلێمانی نزیكەی ١٥٠٠ نابیست هەیە، بەڵام لەئێستادا هیچ بەرنامە و كاتێكی تایبەت لە تیڤییەكاندا نییە بە زمانی ئاماژە پێشكەش بكرێت، بۆ ئەوەی نابیستان سودمەندبن، بەڕێوەبەری بەشی هەواڵی كەناڵێكیش هۆكارەكەی بۆ نەبوونی كەسی پسپۆڕ لەوبوارە دەگەڕێنێتەوە، نابیستانیش دەڵێن: "لەكەناڵەكان تەنها دیمەنەكان دەبینین و نازانین باسی چی دەكەن"..بەڤیدیۆ

-هاوشێوەی هاوڵاتیانی دیكەی هەرێمی كوردستان دانیشتووانی گوندەكانی سنوری برادۆستی سەر بە پارێزگای هەولێر، دژی داگیركاری دەوەستنەوە و ڕایدەگەیەن "ئەگەر سوپای توركیا برادۆست داگیربكات مەترسی بۆسەر تەواوی هەرێمی كوردستان دروست دەكات" ڕەخنەش لە بێدەنگی حكومەتی هەرێم دەگرن و داوادەكەن هەڵوێستی هەبێت..بەڤیدیۆ

-سینەماكارانی كورد لەهەوڵی ئەوەدان، كە پشت بە داهات و سودی فیلمەكانیان ببەستن بۆ ئەوەی فیلمی داهاتووی پێ بەرهەم بهێنن، بەڕێوبەری بەرهەمی فیلمی پەیكەری دڵ، دەڵێت: زۆرینەی داهاتی ئێمە بۆ كرێی هۆڵی سینەماكان دەڕوات، ئەگەر حكومەت هۆڵی سینەمای هەبێت ئەوا ئێمە دەتوانین بەردەوامبین لە بەرهەمهێنان..بەڤیدیۆ